Month: July 2007

前嗰幾日行街傳黎音樂，而且我覺得好熟，就留意起黎。見到個阿伯喺街頭吹緊「我的驕傲」，我 graduation dinner 表演嘅其中一首歌。知音人難遇，係咁「二」對住佢笑下就走咗。

今朝起唔到身做功課，好在先生無對到！

多謝你俾咗咁多意見我，CiCi！

恭喜 charles 終於訂到 1D Mark III，相機機王！三萬幾齋機唔連鏡我真係買唔起…

之後阿 charles 出咗黎 cwb 同我食飯，食日本拉麵，好好味！

打咗比 Miss Chan 話唔黎得 Orchestra rehersal，好在記得咋！如果唔係額外比多十次 sectional 我咁點算？

番到屋企個 conductor 又打黎問我點解唔番 rehersal。我得閒實黎 rehersal ！拉 Swan Lake 都幾有挑戰性丫！

終於一口氣完成晒三份 proposal 啦！終於都可以開始番褒 Harry Potter 啦！聽日應該可以睇晒！

雖然有時同屋企人有 d 意見不合，但係… 幾時都係阿媽嘅湯同飯最好味！

 

思親恩

長夜空虛使我懷舊事
明月朗相對念母親
父母親愛心柔善像碧月
懷念怎不悲莫禁
長夜空虛枕冷夜半泣
遙路遠碧海示我心
父母親愛心柔善像碧月
常在心裡問何日報
親恩應該報　應該識取孝道
唯獨我離別無法慰親旁
輕彈曲韻夢中送
長夜空虛枕冷夜半泣
遙路遠碧海示我心
父母親愛心柔善像碧月
常在心裡問何日報

 

歌詞好美呀！係我今日揾番出黎陳百強嘅歌黎（有 d 羅文 feel…）！有興趣就聽下啦！

 

PS 究竟係咪甩皮！一出汗就好似生水荳咁，d 皮又甩 d 唔甩 d…

ger 篇 xanga gag 到我想喊 …

不過諗深一層，人類真係太自私啦！

前兩日我先睇住我樓下有個雀巢被人人道毀滅，D 雀仔四散奔逃，好慘！

姑勿論你有無宗教信仰。神賜我地聰明去令全部動物和諧共處，但係你睇住我地日常生活中每一個動作都係為咗自己，再唔係就係為咗身邊嘅人，你會唔會覺得，對動物黎講，無人比有人更好？

植樹嗰 d 活動，唔好話每日有無做，齋問有無做過都好多人答無啦！

「吾日三省吾身：為人謀而不忠乎？與朋友交而不信乎？傳不習乎？」呢個就係我今日嘅反省。

我有機會做暑期工啦！一份係打電話（成功率唔高），一份係同人補習（成功率極高）（又要讀番以前 d 嘢…）。希望我聽朝起身，唔會發覺呢個其實係一場夢啦！^_^

琴晚褒 hp，今朝八點起唔到身，搞到十點先開始做嘢，pa 咗喺張床到，進度奇慢！^_^

十一點半學英文…

Liquid Oxygen 好似神仙水咁勁…唔得，下次搭飛機一定要買番支！（盛惠港幣二百元正！XD）不但可以提神補充體力（好過葡萄適），最正嘅係頭痛到爆嗰時可以飲一杯，同頭痛即刻講 bye bye！

兩點至四點去咗同 charles 同埋休褲佬打 squash，人生第三次，都重係全部網球姿勢…

post 番 d 相先，全部都係我冒住生命危險影！（訓喺牆下面，所以影到正面）（ISO太大，d noise好犀利…）

呢張係今晚影嘅，其實都幾有藝術同 Physics Feel…（兩樣都岩晒 Gag 倫…）真係好，唔使用 Photoshop 都做到呢個效果…

瑋叔求其喺 MSN add 咗個女仔，問咗佢 xanga。尋日無意中佢叫我同 sharon 上嗰個女仔個 xanga，今日我同瑋叔傾計先發覺原來我識嗰個女仔，原來我對閒事係咁樣「驚鴻一瞥」…原來個世界係咁細…

某君如果經 footprint入咗黎我 xanga，歡迎留個 cm，也是機緣！

挨咗五日凍水涼，今日終於「重獲新生」啦！

朋友講嘢係可以直 d ，但係都唔可以太直（你講晒啦！^^），如果唔係真係得罪咗人都唔知。我以前都係咁曾經得罪過人，當初我以為見外先會客套，，同朋友客套啫係唔夠 friend，但係我之後都知錯，就算最 frd 嘅 frd 都唔可以太直。多謝 B 聰同 fredrick指點迷津，同埋我會銘記 vivian 嗰句：「始終朋友都係人。」

我唔知得罪咗（可能只係令你唔高興，我唔知…）邊個，但係我在此向嗰位人兄負荊請罪，希望你原諒我！

除咗致歉，我重有第二個目的：希望嗰位今日重蹈我覆轍嘅人兄勇敢面對過錯，同人地講番聲對唔住啦！

畢竟，此錯嘅受害者，無可否認一定係犯錯者嘅摯友；原諒摯友，天經地道吧？

講番 d 開心嘅嘢！

今晚『從香港出發』去 Australia 嘅 Queensland，中二嗰年我地去嗰度呢！post d 相懷下舊先！（原來我地大個咗好多…）

 

 「屋企」

夜晚嘅Gold Coast

我同我 buddy…

我同 Sarah

日唞嘅 Gold Coast

cheers…

樹熊

大合照（認唔認得我呀？^^）

比人拉咗出去玩…

 

呢度好似係 gold coast

玩吊頸 XD（學 kriztouvar 翹手玩串嘴 ^_^）

喺上面影落黎（見唔見到 gag 倫同我影緊相？）

「一家人」

D 風景真係好靚（唔小心 foc 咗入鏡…）

當然仲有背景嘅袋鼠！

 

臨走嗰時班女仔喊到嘈晒，我地唔喊係因為我地堅強？

還是無情？

勁慘！兩日以黎第二次比人屈中意人，乜我剪完個頭真係核突咗好多咩？睇上去好好 hup 咩？

阿媽病咗…

有一個朋友MSN 成七百人噃！好明顯無執過黎啦！