今朝去咗剪頭髮（剪成點大家遲早有眼睇 lol），跟住等人，隔離坐咗個弱智嘅女仔，佢不斷拍我肩膀同我講嘢。起初我想走，但係仔細一諗，其實佢都蠻可憐的，佢都係人，點解我咁無愛心？於是乎坐咗喺到同佢發咗一陣癲…
行去食飯嗰時見到有個細路通街痾尿，不自然諗番起「周街飛」中二嗰時係校車上面癩 c 嗰幕 XD …雖然核突咗少少，但係好懷念！
之後番屋企搞埋 D 俗務，準備聽日褒 Harry Potter。預計兩日睇晒。真係 Hermione 和 Hagrid 二小 H 犧牲嗎？自己睇啦！我唔會 cheap 到喺 xg 講嘅，尊重下 D 中文讀者嘛！
其實我唔講都有大把人講！
PS 今日 update o左去 3.51 M33…
PSS 我個 xanga 被阿妹發現咗，打嘢唔可以咁直啦！^_^shhhhhhhhhhhhhhhhhhhhhhhhhhhh！妹妹來了！XDXDXDXDXD
今朝去補英文，途中地鐵裡面遇到兩父子，「父」慈子孝，個仔（五歲倒）問爸爸番工辛唔辛苦，個阿爸邊話唔辛苦邊同佢抹汗，真係令人幾感動！
89 UE Listning得 3x / 71，已經係全班第三高喇！（可能係個 marker 鬆啫…）
晏晝傾嘢。
多謝晒！加拿大嗰D 手信好好味！^_^
D皮有 D 熱又有 D 痛，連續兩日凍水涼，好慘喔！ v_v
今朝起身重係gut下gut下，諗住一上單車就世界啦。
今日入咗大尾篤（點解改咗名叫大美督？）同jacky、chriz、甘仔、熊仔、eddie、ger、巨金鳴和 mao 踩單車。
先教巨金嗚同ger踩單車，「你地好有guts」、「加油」係咁嗌，走嗰時你地兩個都掂咗啦！恭喜！
晏奏食黑椒牛排加凍朱，好好味！三十蚊真係平到嘔！
跟住踩單車徑，踩到去工業區…
之後大家坐低傾計…
佢地話去cwb食飯之後上pkm屋企，我就要番屋企做 89 UE MC…
值得一提嘅係，大家行行下突然唔見咗eddie同甘仔，原來係甘仔比 eddie “mun”咗去問一個女仔攞msn同電話。（信不信由你，其實我都唔知真定假，甘仔嗰句「我就話無姐，但係你已經有女朋友喇噃」增加咗唔少可信程度 
）
喺地鐵裡面竟然撞到排球王子陳建達 Kinder！無錯，係我 Form 2嗰年我嘅班主任，教咗一年就走咗嗰個。係佢同我打招呼先，佢竟然重認得我…
聽日休息一天。
睇番 D Video！
我一隻手控制車一隻手揸機影嘅…（發覺我左手揸呔死得人
）
「新手之路」
再睇睇 D 相！
我一向都係 D 皮膚易黑嘅人，只不過因為會考先白曬！今日一曬，隻手…因為無帶 sun lotion 啊嘛！但係咁多個裡面我係最誇張嗰個…（白曬嗰到係錶印）
PS 如果大家真係識踩，下次去長洲丫！嗰到 D 路多 D 彎，會好爽！沙田就一條直路，岩傾計！
我阿妹成日話我樣衰，我都唔蝕底講番佢幾句。點知今日睇番佢幾年前個樣，即刻收番！XD
有時有D嘢唔珍惜就無啦！
今朝去咗補英文（與其話補，不如叫學！），放學嗰時打咗比charles，佢話黎緊cwb。還掂我喺cwb，何況有人甩我底，我就索性約佢下午一齊。
先去揾1D Mark III（預咗揾唔到！），之後去咗M記。
之後同charles、休褲佬、瑋叔打squash。瑋叔第一次打…嗯嗯，可以理解！^^
諗番起以前打網球嘅日子，諗番起我阿爸曾經講過：「三成在手，七成在腳。」唔知squash係咪一樣呢？請熊仔指點指點…
打打下抽筋，可能因為會考，成年無乜運動…
瑋叔！等我隻腳好番我實追住你黎打XD！叫你幫我壓腿，你就走咗去搞我 D 腳毛！
不過還是多謝你！^^也多謝休褲佬幫我手揾最快番到我屋企嘅巴士！
重要多謝charles！雖然你無xg，睇唔到我呢個msg（休褲佬都無 
），但係我都照樣多謝你對我不離不棄送我去巴士站（唔同路），目送我上車先走，番到屋企同你傾電話又問候我，多謝多謝多謝多謝多謝！
比著我我都會係咁，不過媽媽常說，對自己無益嘅嘢最好唔好做。
但係我認為，有時有 D 嘢係比個人利益更重要。
「影子不會孤單，手心還有溫暖」
再一次，多謝！
番屋企夜晚跟阿爸學影相（我阿爸以前不但係專業攝影師，而且贏過好多世界攝影比賽），我本來根底唔差（至少唔會話『景深同光圈無關』），今日學咗唔少嘢。之後上咗HK Discuss嘅攝影forum，阿爸一邊指手劃腳，一邊用口答嗰D人D問題（講比我聽）。我就不斷問，雖然都唔係太明（又係嗰句，我好蠢），但係始終都學到D嘢嘅！
原來真係！charles喺成個HK Discuss攝影Board到評相好出名。
PS 最近阿媽好燥，可能近排好多嘢煩。好似前幾日咁，明明係佢錯，都係要兜番個大圈話我錯。我都明白佢嘅心情，所以默默承受，也沒反駁。
今朝開會好有趣，亦很有意義！
講番今日晏晝，食完意粉屋，推咗瑋叔聽朝唔去睇戲（突然有事）後，去咗【玩具反斗城】hea。見到D搖頭公仔，笑到我地一個二個碌地，最後重叫埋白車 XD。
爛咗…
一諗起我部 P 就心up…
點九無嘢做，就同mao先睇哈利波特。都幾悶，不過神早預咗。個人覺得最差嘅係Sirius嘅死唔夠感動。套戲改咗唔少。但係Harry和Cho錫錫嗰段幾有feel，重保留咗原著：
“How was it?”
“Wet,”（笑笑笑笑笑笑笑笑笑笑！）
之後去咗補英文，做 89年 UE 嘅 Listening。本來已經好眼訓，加上好難做，最後以半放棄狀態挨埋佢。
PS 今日裝番九方，繼續一年前的神速傳說（一年前因為要考普通話會考所以改用拼音）
PSS 瑋叔段 gag 片如果擺上Youtube一定點繫數過萬…
PSSS 今日我地幫mao第二時個女改名，叫殷茵；而瑋叔個仔個名就特別好聽，叫羅網 
！（願他們的筵席成為他們的陷阱、羅網、絆腳石和應得的報應。）（這些人本該是司法監護者，而正是他們親自引誘那婦人犯罪，來佈置羅網陷害耶穌。）（避免心靈沈醉麻木，否則耶穌再來的日子必使他們震驚，他們將有如小鳥一般掉入羅網）（凡欲斂財的人，會陷于誘惑，跌入羅網以及種種愚蠢和有害的慾念之中，最終沉淪滅亡。）
『考 RS嗰時又唔見我咁勁…』