夜晚十點去到蘭桂坊參加嗰個 Joint U Christmas Party，今次係第一次有目的咁去老蘭，但係唔係為蒲為識女仔，而係想見識一下蘭桂坊同夜生活。
對於我呢 D 唔中意飲酒嘅人嚟講，飲酒一定唔係我嘅目的，但係竟然夠彊飲咗杯四十幾度嘅酒精橙汁…
好啦，呢篇嘢主要講講女仔…
今次去嘅女仔多過男仔，大部份都係化濃妝、短裙、高踭鞋或 boot，加上一批低胸露背…
而最出奇嘅係，冇乜個樣麻麻嘅女仔，反而有好多都唔錯！
可惜我唔係嗰種可以一拍即合嘅男仔，如果唔係真係可以一拖幾…
唯有叫 D 等出 pool 嘅 friend 把握機會啦，仲同一 D 唔係好主動嘅講：「你睇啱邊個同我講，我去識佢之後介紹你識。」
果然不出我所料：入場嘅冇乜人拖手，臨尾就周圍都係攬梗、錫梗，有 D 仲喺身上面摸嚟摸去！XD
因為今晚而出咗 pool 嘅，我惗不下二百人。
我呢？坦白講，其實都幾享受行嚟行去嗰時 D 女仔定晒眼望住你（種感覺好奇怪），有 D 甚至乎引誘你（放電、Motor 式搞頭髮、路過時藉故摸一摸你 <– 我都比人抽咗水 /___），亦竟然有女仔羞答答咁同我講想同「人」去跳舞。
但係喺呢 D 場合上，小可唔會識女朋友（姑勿論是否 Occupied），認真只係想做 friend，但係同時真係幾享受嗰種感覺。
但係我始終覺得，咁樣一齊嘅女朋友好難長久，如果唔係玩玩吓嘅，就唔應該累己累人。
揾倒遊戲「Perfect Match」我個女仔（3 號），佢嗰位女友人叫佢同我去揾人攞獎品，又順便跳吓舞，嗰個女仔似乎幾怕醜，只係同佢嗰個 friend 喺度傻笑。（？）
之後亦行過有七個女仔叫我坐低同佢地玩遊戲，其餘所有時間都喺毒男毒女 corner 吹水睇人跳舞（同埋睇人「吻下來，豁出去」XD）。
見倒中學聯校 Sing Con 女聲王 Pok，當然向佢請教唱高音啦，結果加埋 Tim 一齊又扯 High High C，之後仲越扯越高，喺 Disco 音樂裡面都聽倒，D 人好驚訝咁望曬過嚟。XD
不過其實 Michael 講得啱，根本唔係咩 Christmas Party，而只係 Disco 加 Pub。
講嘢要用丹田氣（好在我識），除咗大聲 D 外，之後都唔會失聲。
還有四位朋友飲醉咗… XD
凌晨五點散，一齊去麥記食早餐，又見番嗰批人… XD
仲喺嗰度見番嗰七個女仔裡面嘅其中四個！就影咗張相囉！
之後去咗皇后像廣場同 Michael 「Boys’ Talk」，八點半番到屋企…
「阿媽早晨！」又一天了。
