30/12
今日去搞 Welfare Product，好多不如意o既事發生o左。
不過，其實一早就預料可能出現呢 d 情況，所以最後都順利咁 place o左 order。
聽日要檢視一下自己o係 2010 年做過o既o野。今年好多目標都 fulfill 唔倒。
而且 2010 年系唔開心唔如意o既一年，希望 2011 年可以做得更好，可以開心 d！
PS 話說今日發生o左一 d 事，都幾唔開心，希望聽晚打邊爐可以食多 d 蠔食多 d 象拔蚌，仲有我最鍾意o既肥牛，忘記 d 唔開心o既o野！ ^_^
PSS 其實好多謝我部 Macbook Pro，次次搞 pub o既o野都有機會出事，帶埋你出街就次次都搞得掂，冇o左你我實 meet 唔倒好多 deadline⋯⋯ XP
24/12
下午去o左 Cafe，o個度有機打。
哈哈，我都唔知原來我打機咁勁！玩都冇玩過o既 game 都可以 take up 得好快，結果比人圍毆⋯⋯ XD
仲打o左久違o既足球機 tim！好耐冇玩過喇！
記得以前玩到好勁；而家技術仲有，不過淨番五六成，不過都夠一揪二⋯⋯ XP
講開又講，間 Cafe 有四五批人，但係有個好熱情嘅女侍應，不斷咁同我地呢台搭訕，而且淨係我地呢台。
一定係某君魅力值太高喇！可惜佢唔知某君已經名草有主。正所謂：
若說沒奇緣，今生偏又遇著他；若說有奇緣，如何心事終虛話？
今日爸爸o既 iPhone 4 到貨，身為我呢個 Android 人，當然要試一試其他系統o既手機。
都唔長篇大論喇，短短總結一下個感覺。
我用o既 HTC Desire HD 行 Android 2.2 Froyo（加上 HTC 自家o既 Sense），iPhone 4 就系 iOS 4.2。（呢度唔講 root 機同 jailbreak）
Android o既好處系開放性，Google 比廠家自行加入一些系統整合到 Android，例如 HTC o既 Sense UI。
呢個系一個好大o既好處，就系比更多人參與個介面開發，資料o既整合性都強好多。
就好似我部 HTC Desire HD 咁，一開機就有得睇大家 Facebook、Twitter、Plurk 等o既 update，無論連結、分享、Status、相等，唔洗開個 Facebook app 就睇倒；原本已經有得優化相片，唔洗裝任何 app；原裝已經可以自己 cut mp3 做鈴聲等。相反，iPhone 4 桌面只系可以擺捷徑，乜都要經 iTunes，明顯 Apple 想將你困o係個框框入面。
而 iPhone 呢？外型？我呢個較重內涵o既人，顯然要講o左其他先！
iPhone 系較多 apps，但系試問 iOS 300,000 個 app，你又 download o左幾多？300 都未必有啦⋯⋯
顯然，iPhone o既優勢唔系佢多 app，而系 d app 個種類多。
而家睇頭條新聞，iPhone 有 app 可以睇；MTR 官方都有 for iPhone o既 app；就連 Pizza Hut 都可以透過 iPhone 落 order。
太強喇！iPhone 不愧為 smartphone，真系幾 smart！
雖然 Android 越o黎越多人用，商家都越o黎越重視 Android app 開發，不過我睇 Android 要o係呢方面強過 iOS 都唔系一年半載可以做得到o既。
最後都講講我部 HTC Desire HD 同 iPhone 4。
買 HTC Desire HD 之前，睇倒佢用 TFT（理由系 4.3″ 冇 amoled），真系有窒一窒。但系睇真機，又發覺唔系差 super amoled 太遠；iPhone 4 一出，真系覺得佢個芒（retina display）好靚，但系今日同我部 Desire HD 比，清晰度不相伯仲之餘，我覺得我部 Desire HD 鮮色好多 tim。（光亮度一樣）
我想講o既系，單單睇數據唔得，因為商家會隱藏一 d o野，一 d 佢唔想你知o既o野。當然仲有，有一 d o野唔系咁直接，例如個芒o既 display 仲要睇埋個 graphics processing unit，試問有幾多個人會去睇邊部機用邊個 GPU？有就一定有，但系相比就咁睇個芒系乜芒o既，就系少之又少⋯⋯
總結一下，商家比你睇o既系佢地想你睇倒o既，不可盡信；論壇 d 人講o既，可能太主觀，又唔可以盡信。要自己親身感受，親身體驗，親身渣過上手，先系最有說服力o既。
畢竟 iPhone 同 Android 手機都有其特色同優點，唔同人有唔同感覺，亦有唔同需要；就等於有人鍾意男人，有人鍾意女人。
只不過系我鍾意女人，同時都鍾意 Android 罷了！ XD
9/12
今日去o左中央溫書，太肚餓喇，要食o野！
就系咁，買o左包麥樂雞上去！
上次去中央食魚蛋，今次變本加厲！
不過因為又有醬，又大份，所以今次要起堡壘！
因為入夜，所以個窗反光，好在我留意倒，再起多一個堡壘完美解決！
世外桃源！
因為個窗反光，所以起多一座堡壘。之後完全睇唔倒！ XP
不過最後突然醒起，抬頭一望，原來個閉路電視正正o係頭上面⋯⋯
哈哈算啦，反正都食完咯，o米“抬望眼，仰天長嘯，壯懷激烈” o羅！ XD
29/11
Marketing Plan all the time!!!!!
o係 HKU 做o野做到夜晚十一點幾⋯⋯
不過，夜晚食o左麥記，同埋⋯⋯
試新o野！HKU 附近o個間！
叫o左個乳酪，大家估o下幾多錢？
開估！$30！
雖然幾貴（同埋睇落好唔底），不過對於我呢個奶類製品狂熱者o黎講，都系一個好好o既體驗！
同乳酪冇乜分別，基本上系一舊超大o既乳酪⋯⋯ @_@
30/11
是日 MM showcase！大家都整得好有心機，好開心睇倒大家o既作品！
不過製作過程⋯⋯ 相信大家一輩子都唔會忘記⋯⋯ o係 .NET Lab o既時刻⋯⋯
1/12
十二月o黎喇！十二月代表 d 乜？
問十個，十個都會答“考試”⋯⋯
但系我地呢班 CSers 仲o係度做梗功課⋯⋯
唉！幾時可以比我溫書？
今日見倒 Rex，比佢窒：
“仲未剪頭髮呀？”
相信系我上次串佢剪o左個 8 – 1 頭，佢今次報復⋯⋯
好！聽日個髮型師得閒我就去剪！順便攞埋副新眼鏡！
番到屋企，做o左件好樣衰o既事⋯⋯
將 Outlook 連絡人 delete 曬，打算重新 Sync 一次連絡人，點知⋯⋯
唔記得較番 Phone -> PC，用o左“最新設定”，o者系 outlook delete 所有連絡人呢個動作為最新設定。
結果？部電話所有連絡人都 delete 曬⋯⋯
即刻呆o左⋯⋯ 都怪我衝動！男人就系成日衰一時衝動！搞到一身蘇州屎！XD
好在衰唔曬，即刻攞番 d vCard backup 出o黎，完美恢復！
跟住點？跟住o米發o左達o羅！XP
用o左幾日 HTC Desire HD，真系好正！不愧為 Android 機王！唔怪得知有人賣唉風科換部 Desire HD 啦！（阿爸出o左部 IP4，我兩部都有得玩！ XD）
雖然買o左 $5,200，不過真系值！
其實原來 Youtube 睇片等，個芒可以靚過 Desire 添！上網又快，又有雲端同步、控制，好o野一堆，好難細列⋯⋯
不過有一樣一定要講，就系開機速度。
兩個字：恐怖！兩秒可以開倒機！（唔系待命，系熄機）
系 HTC Desire HD 同 Desire Z o既新功能！
拍o左段片，大家睇o下有幾恐怖⋯⋯（用舊電話拍，雖然都系 720p，不過唔知點解 focus 好差，好蒙）