好耐冇打 Xanga 喇！今日一打打兩篇吧！
今日 subscribe o左 Gigi，係我兩年以o黎第一個 subscription！:)
睇翻呢一兩年同前幾年o既 Xanga entry，好明顯有好大分別：
除o左個人成熟o左，個人好似冇以前咁開心⋯⋯
曾經唔知幾時有人講過，話我 Xanga 好似怨氣重o左。
我覺得，Xanga 應該寫一 d 開心o既o野，留翻比未來o既自己。
所以我就寫多 d 開心o野啦！:)
今日兩篇，一篇認真，一篇開心~ 先由認真講起：
其實細細個，阿媽就好想我做醫生。
以前都試過，阿公阿婆死o左，有一刻好想做醫生，想發現對付心臟病同癌症o既有效方法。
但係大個o左，我冇再想做醫生。
以前，有好多人都覺得我有能力，對我有信心，只係覺得我唔去努力（高考就係例子，大家見倒我係 tappy 住溫，到最後一個月 study leave 先開始努力 d）；佢地問我，點解唔做，我都有咁問過自己。
三個原因：
一、興趣。
我唔鍾意背o野，但係讀醫冇可能唔記一大堆名詞。何況我早就已經“心有所屬”，我講過，無論高考幾多條 A，我都係會讀電腦。
入o左大學一樣，我唔會過分追求 GPA：GPA 係需要o既，但係我比較鍾意學我自己想學o既o野，好似 iPhone app、PHP、UNIX system 等，我係因為興趣去學，加上我自己覺得應該要學，就算學校呢方面唔教，我都會自學。
加上，醫生延長人o既壽命，但係我比較鍾意令其他人o既生命更充實。
二、我一向都唔係人云亦云、跟風o既人。
其實大家可能會發覺我呢個人有 d 怪，係因為我唔鍾意走入大部份人o既圈子：
當大家攞住部 iPhone 4 話幾好用，我買o左部 Android。
我阿爸話，差唔多錢，點解唔買部 iPhone 4？
我唔鍾意抹殺個人o既獨特性，我鍾意投資o係一 d 未來有價值o既o野上面。
買 Macbook Pro o個時一樣，個個都叫我唔好買，因為冷門、個 OS 唔會慣等，o個時我個 year CS 除o左 Euky 都冇人用 Mac⋯⋯ 而家隨處都可以見倒人用 MBA 喇⋯⋯
我成日 lum，讀醫o既，有幾多個係真係想救人？我好佩服o個堆人，但係都唔可以否認，就係因為人傳人，有好多人盲目追捧，又係其一造就“高分低能”出現o既原因。
三，亦係最重要o既，我好懷疑醫生o既本質。
近排大家如果有睇開新聞，就會知有好多醫生漠視道德同埋社會責任。隨便舉例，男醫生非禮女病人、醫生為診費拖延醫療進程等，比比皆是。
我以前就 lum，做得醫生應該有愛心，想幫人，點解經常聽倒呢 d 新聞？
除o左傳媒因素，我覺得未必個個醫生都係因為想幫人。
無可否認，社會對醫生評價好高，醫生高薪、社會地位高，有不少人就係沖住呢個原因入去讀醫。雖然一定唔係全部，但係恐怕都唔少。
最搞笑o既係，d 醫生覺得自己值得高薪，係因為讀好辛苦，做都好辛苦，呢個我雖然認同，但係我好反對佢地對引入外地醫生o既睇法，覺得佢地做得辛苦係自 chur，為o既就係高薪高回報。
其實外地醫生真係咁唔合格嗎？最頂尖o既醫學技術，香港係勁，但係係最 top 嗎？大學醫療教育，香港就排三十幾⋯⋯
local 病真係要 local 醫生醫嗎？法律一樣係有 local 元素，有好多律師唔係都係外國人o羊？
有好多其他問題，唔一一詳列，不過都係說服唔倒我醫生一定要 local 呢個事實。
我唔敢斷言，不過我好懷疑，醫生排外o既現象，就係想 maintain 住 low supply，keep 住 high price，保障自己o既價值。
咁樣就係將個人或一群人o既利益，凌駕於公眾利益之上。
我細個係 lum，醫生幫人，係好神聖o既職業，不過大個o左，發現以上種種，都難怪香港醫學相對缺乏研究等項目。
每一行都良莠不齊，醫生亦唔係例外，不過我對於用仁義假面具揾食尤其反感。
以上為個人原因，唔代表事實一定係咁，總之我就冇揀呢行啦。
不過，有一個重要o既係，我鍾意靠我雙手，o黎做一 d 人地暫時睇唔倒價值o既地方o既o野，而唔係去做一 d 人地覺得已經好有價值o既o野，以顯示我係一個有用o既人。
所以，我佩服 steve jobs，唔係因為佢成就幾勁，而係佢只當世俗眼光為建議（未完成大學），始終忠於自己，做自己想做o既o野，最後獲得成功，咁先難能可貴。
總之一句過：仁醫值得尊敬佩服，為錢為名嘅，「人不為己，天誅地滅」，也難怪，不過就係稍嫌自私，同世俗並無兩樣。
thanks for share.....