好，另一篇，講開心o野。
今日再睇一次《那些年，我門一起追的女孩》。
好奇怪，第一次睇，著重點係愛情；但係今次睇，竟然著重學校生活。
Form 6 入莊啓程之前，我係讀高記o既，一間男校。
而高記對於我o黎講，係一個快樂泉源。
柯騰“彈橡筋”，有邊個男仔未彈過？o個個未必係男仔⋯⋯
柯騰玩粉刷，我地一樣成日玩，仲成日“訂”。
廣播“周杰倫”那段，有個男生拿乒乓球拍o係走廊大力亂打個波出街，話說我都唔知我咁樣打過幾多個乒乓波落街⋯⋯（我仲成日飲完汽水就“訂”落街，有一次比對面 building 個 prefect 見倒，要走人 lol）
有試過欺負老師啦，“訂”過舊朱古力入老師個口度啦，上梗堂楚河漢界“訂”紙波啦。
甚至大家覺得最離譜、唔似真o既“上課打手槍”，我地都有試過（不過唔係我 lol）。多得佢，教識我o羊叫“打飛機”同點“打飛機”。lol
還有入 camp “打飛機”鬥耐，呢一切其實o係生活裡面都真係有，女生可能唔知呢！lol
其實呢 d 好多男校都有，至少最 top o個批（唔開名）我都知有，因為呢 d 係一群男生產生o既“協同效應”，唔係學校風氣問題。
不過我好享受以前一大班男仔o既生活，所以之後去o左男女校，其實o係女仔面前有時要故作正經，都幾難頂嫁，哈哈！
當然，大個o左知o羊係社會責任、人地o既感受，就唔會再做呢 d，不過而家 lum 翻起，都幾好笑，都幾開心。=]