Month: August 2013

夜晚去o左食海鮮餐。

$200 有好多o野食！

不多說，有圖有真相！ xp

仲有個花膠湯冇影！ XP

話說琴日去電腦通訊節，買 USB 手指時，個店員話識得我，但係我唔識佢。

“師兄！你係唔係高記o既？”

“係呀，你係⋯⋯”

“記唔記得我？我地一齊玩 orchestra 嫁呢⋯⋯”

“係呀，點解你會認得我o既？”

“你坐最頭o個幾個嘛（言下之意係要睇 concert master 同 assistant concert master 等 lead XP）。”

原來佢係拉 Cello o既師弟，竟然咁o岩，o係我最後一兩年o既音樂生涯同我一齊玩過音樂，“有緣千里來相遇”。

音樂真係可以將唔同人拉埋一齊，無論你識唔識，都有一見如故o既感覺。

讀大學，出o左o黎做o野，已經完全冇再玩音樂，除o左間唔中同人去唱 K。感覺失去o左好多，又感覺浪費當初苦練無數o既時間，就算演奏級最後一擺低都不過爾爾。

剩下o既還有，佢送我o既兩份贈品⋯⋯ lol

在床上趟了一整個下午，連朋友的約會也推了。

突然覺得，一直以為是理所當然的事情，原來只是自己一廂情願。

也不知道自己在想甚麼，不知道自己該做甚麼。仿佛是一塊爛掉的布趟在地上，你很想把它拾起，然後修補，卻不知道你做了這些後，它還能恢復它以前的功效一樣。

又或者本來已經是這個樣子了。

迷惘，但是發現自己每天努力擠出來的時間不應這樣花費，還是坐了起來，嘗試說服自己，甚麼也沒有發生過，是時候做原本要做的事情了。

這樣又一個下雨的下午。

一開始買部 15″ MacBook Pro with Retina Display，發現抽倒 LG 芒，真係心情麻麻。

之後網上流傳o既烙印現象出現，即係同一個畫面幾分鐘，去第二個畫面會有前一個畫面o既殘影現象。初時唔太覺，後來越o黎越犀利，打算等到保養滿前幾日去，幻想可以整部機換。

前幾日，到o左呢個日子，本來都唔打算佢會成部換，只係想換個冇殘影o既芒。蘋果好好，冇賴三賴四，Genius 索性話有好多客有咁o既問題，就同我換成個芒。

本身話要 5 日，點知今朝打o黎（我仲係好唔慣o係公司接電話 xp），話已經整好，3 日都唔洗。

Check 過係 Samsung 芒，網上盛傳話好 LG 好多。不過我覺得唔係。亮度係高o左，不過可視角低o左，最慘係個芒色好暖，個人覺得嚴重偏黃。

開始懷念我舊個 LG 芒喇，我鐘意o個種冷色多好多，白o既純白，黑o既實黑，好喜歡o個種實在感。而家，唯有說服自己話睇字睇書保護眼睛啦⋯⋯ :'(

考慮梗好唔好去換過，寧願換翻部 LG 算⋯⋯

btw 原來個芒 + 維修都好貴，千祈唔好跌爛個芒⋯⋯ xp

嗯，過o左 2013 個生日，好開心好快樂，多謝朋友、家人，同情人。 （排名以筆畫決定 XP）

呢個禮拜工作好忙，平均自願 OT 1 – 2 小時，所以好累，出o黎心不在焉大家見諒。 XP

再一次多謝全部人請o既飯，規劃o既活動同祝福！小弟以身相許都許唔倒比咁多人，唯有講多謝算。 XP

生日出o黎o既都係好熟o既朋友，慨嘆人生時間太少，有 d 朋友相識一下就唔見。呢個或者係事實，隨年紀增長，識得o既人越來越多，但係出o黎做o野時間已經好少，所以人唔可以每個朋友都變知己。

有人話 Facebook 可以聯絡感情，我覺得 Facebook 只係一個渠道，真係要傾、要見先可以增進友誼。反而睇倒 Facebook 對人生活模式o既改變，例如有 d 人 Facebook upload 相未必係想分享，而係想炫耀；Facebook 成為一個公司 marketing o既集中地等。開始反思 Facebook 係唔係一個純碎朋友分享東西o既平台。

以後我會少 d 睇 Facebook，因為開始懷念冇 Facebook o既日子，唔洗成日攞住部電話，放工感受多一 d 身邊o既環境、人同物，嘗試恢復一 d 失去o左o既”原始智慧”。 lol

只要我記得你呢個朋友，就可以一齊出o黎玩同食飯。近來好多識o左好耐o既朋友搵我幫手（最多係問電腦o野 XP），只要我有時間都會盡量幫大家，可以趁機敘敘舊。 😉