今日打篇 Short Entry 先。
晏晝去咗打波，之後食味千。早知唔加蒜片啦，加咗好似冇加咁，不過又真係加咗…3蚊噃！XD
好多謝巴士傳授我佢唱高音嘅絕活，我會好好練喇！
連 Sharon 同 Chloe 都話佢高音唱得好聽噃，我真係要認真練吓，唔好辜負佢嘅一番心意。
番黎同屋企人食飯。
來來來！聽聽【錢錢錢錢】嘅改版，欣賞吓 Vocal 嘅 Vibrato、Accelerando 同 Modulation。得閒就笑吓啦，香港人！xD
Author: Adrian Tang
Tiring But Wonderful Day
今日都幾特別…
入咗學校嘅 IT Prefect，今年全校得六個，相信係 Service Posts 裡面最少嘅…
佢話 Train 完我地就 Post 個 List 出黎比 d 先生知道我地，有問題揾我地噃…個 List 上面有對孿兄弟：鄧俊康同鄧駿軒！xD
佢仲叫我喺 Sports Day 做 Cameraman，等我揾個藉口問 Charles 借 1D Mark III 先！xD（講笑，加埋支鏡成四五萬，跌爛咗賠唔起…）
上 UE 嗰陣同小頂唱生日歌，男校真係冇呢 d 嘢。
小頂，生日快樂！
唱完歌就仆去地鐵站番高記。去到金鐘，諗住搭的會快 d ，點知等咗三個字，激死人！
去到加入聽佢地傾 Science Asso d 嘢。Matthew 真係好 GAG，我都自愧不如，真係笑到我唞唔倒氣！xD
「將孫文欣擺喺肥甘隔離」xD
臨走嗰時見到 Hall 裡面有人，睇真 d！原來係 Orchestra 嘅兄弟姊妹們 Sectional 緊，係咁依打咗個招呼啦！
Elgar Sarabande Movement 1,2 und 3…
時間唔夠，如果唔係去揾吓 d 先生。
Gag 神話，上 CA 堂嗰時 K.K. Lam 講開今次 CE CIT 考得幾好嗰 d 人嘅時候，d 人話我已經走咗，佢有 d 傷心同感到可惜噃！
我聽到都幾感動。我同佢除咗 Computer 上面嘅交流外，仲同佢傾 Violin（係我提醒佢 LRSM Mozart 要有 Cadenza。xD），我成日都聽佢講番佢年輕嗰時 d 嘢（我係 “gd listener” 丫嘛！xD），所以除咗係師生關系，亦都係摯友…佢係我唯一有面見嘅先生，因為我 CE CIT 考得唔錯。
走嗰時鋒哥同 Matthew 一齊行，行行吓佢見倒個相熟嘅女仔，就拋棄咗 Matthew 喇。佢千里迢迢喺沙田出黎，原來唔係黎高記，原來係黎接個女仔番屋企…我地都話佢「重色輕友」xD！（以上全屬講笑部份，fung go go 勿怒 ^_^）
之後同 Gag 神同瑋叔去咗 27。食得好貴呀！不過都值，Gag 神 d gag 真係冇得頂！
如果 Gag 神加埋 Matthew，怕且叫定白車好… = P
七點去咗學英文，多咗好多人，恆商同嘉諾薩加埋已經佔咗半數…
莊記都有四個呀（其餘全部係 Art 同 Commerce Stream 嘅女仔，唔識 xD）！
星期五好難挨囉唔該！尾三堂 UE，今日 Oral + Listening，之後又要去學兩個鐘英文…
喺 CWB 見倒個好似我個朋友個樣咁嘅女仔，我不自覺咁呆望住佢，佢又望番住我，我地對望咗五六秒，最後都係唔知係唔係嗰個朋友黎！xD
可能佢都唔好意思認錯人，又可能係我白痴！xP
番到屋企成十點，Happy Bath！^.^
12/9
真係多謝晒 LWI 囉！好揀唔揀揀正下個禮拜五放學黎測驗！咁啫係迫我喺學校打電話啫？我要第一手消息呀！
好想睇吓你地份全彩 booklet，記住留番一本比我呀！或者靜雞雞去偷一本比我丫（講笑！xD）！
Forum 見到休褲留言呀，終於都多番 d 生氣喇！好似差瑋叔咋噃？…
晏晝撞倒瘟神同 YuKen。瘟神問我點解多咗咁多暗瘡。唉！無計啦！未番學前嗰排有 d 嘢好煩丫嘛…
呢排差唔多日日都撞倒高記嘅人，真係緣未盡…
做嗰份「好」人問卷搞咗我成個鐘…
13/9
發覺星期三係最難挨囉！Triple Bio，如果專心話，HP 扣 60 / 100。
跟住兩堂 UE，HP 又減，淨番 20 / 100…
加多堂中化 Tutorial，練口試或者聽聆聽，HP 淨番 10 / 100。
兩堂 Chem 都 OK 嘅，如果個阿 Sir 講中文，HP 5 / 100。
最後 Mentor Period。如果玩遊戲就加 HP，如果好似今日聽 Talk 話就… HP 狂減 85。
Overall 今日 HP 係 -80，啫係死咗！xD
14/9
練咗兩日，唱功真係有咗進步：音準咗，高音可以震到音，但係低音「震音功」都仲要練。
Sports Day 嗰日唔跑喇！自從 F.2 嗰年跑四乘一百後，我都係唔可以克服到嗰個陰影，唯有做吓 Helper 啦！
嗰年明明贏咗第二，點知佢話我踩界（踩外界咋噃），結果將個第二拱手讓咗比人。我到而家仲好內疚，覺得好對唔住 d teamates…
喺呢度幫吓 Kennis 同 Victor 做吓宣傳：嗰日唔參加嘅諗住 hea 吓嘅就幫吓手啦！唔會太多嘢做啫！
聽日番高記。唔開四國住喇，高記五點半閂門，我喺太子出黎，鋒哥仲喺沙田出黎，仲邊有時間開四國？v_v
份 Mole Concept 冇做嗰 d consolidation exercises，覺得自己又開始懶喇！唔得，Weekend 要褒書！xD
想喺呢度澄清咗先！康熙王話蘇州出產美女，其中美係指其聲線而唔係其外貌。蘇州話作為中國最好聽嘅方言，使蘇州女仔講起嘢黎聲音較虛，造出溫柔體貼之態，所以值金口贈以一「美」。
磁浮火車…大家可以睇吓 Video 從而知道 431 km/h 有幾快…
西湖…強烈推薦情侶去杭州，尤其係西湖之夜表演…
岳王廟，紀念其中一位我最敬佩嘅古人 ─── 岳飛
留意吓佢左眉，比人 “bok” 穿咗 xD
最毒婦人心嘅起源…
有冇人識讀佢個名？: P
| 烏鎮 |
另一位我最敬佩嘅古人 ─── 伍子胥
上海最正宗嘅小籠包食處
魚翅蟹皇小籠包
寒山寺
夜上海
「早」上海
呢間酒店成個上海最貴。個廁所好正，360 度全座地式玻璃，四方八面都係花灑。最正嘅係沖完涼唔好著衫住，喺八十層上面張開雙臂望住窗外面喺自己腳底嘅大廈（放心，出面睇唔到你 XP），享受一下君臨天下嘅感覺！xD
DC 仔做出黎嘅 Pan 鏡，都算係咁啦！又唔係 Charles 部 1D Mark III！xP
其他風景
酒店裡面嘅 Plasma…
7/9
因為今年要 ready A-Level 所以唔學琴，（除咗聽歌）又唔忍心拋低呢個做咗十幾年嘅朋友，決定喺新呢一年得閒練吓唱歌。（急尾直追瑋叔同巴士！xD）
今日學咗腹式呼吸黎唱歌（啫係所謂嘅丹田氣），把聲真係厚咗 d 噃。仲知道咗點震音，差練習…
聽五種 music 喇而家！pop（男嘅多）、classical（orchestral, solo, all kinds…）、中樂（最愛十面埋伏同梁祝）、jazz 同 hip-hop。最愛都依然係 classcal music…
8/9
朝早同巴士搞電腦，幫佢清 Virus。佢打黎同我講「搞掂喇，唔該」嗰陣好開心。
可能呢個係我一直以黎中意幫人嘅最大原因吧…
因為琴日做姑尼，今日隻手有 d 攰，所以冇去打 squash，連晏晝約出黎食嗰餐都唔去喇，留番喺屋企…
夜晚睇咗 W.H. Lau 嘅全年 CA notes 同舊年學校嘅 paper。如果因為第一堂 CA 太淺而話 CA 係好易讀咁你就錯喇！我睇過齋喺 Excel 嗰度已經有好多 code 要記，仲有「主將」MySQL Database，好心建議大家：如果覺得讀唔黎嘅就襯早 drop 咗去喇！
今日個 forum 有 15 個 post 呀！xD
9/9
今日成日喺度做功課同溫書。第一個禮拜咋喎，d 功課已經咁恐怖…尤其是 chem，感覺係喺三方面發展咁：atomic 嗰 d lecture 堂嘅嘢、mole concept（又話同我地溫番 CE 嘅？我失憶唔記得我 CE 學過 PV=nRT 囉！成 25 頁呀！我做到 pa 喺度…）、Chemistry 嗰本大一書（日日睇話預計 form 7 開學就會搞掂 if 唔做 exercises），中文四篇閱讀理解，英文作文，如果勤力話 m&s 做吓數，CA 開吓 ms word 吓，睇吓中文嗰 d 文，加埋中文嗰篇乜鬼唐君毅，仲有睇吓各科 syllabus…
晏晝睇咗第二次 Mr. Bean Holiday，有個啟示：生活唔一定要賺錢賺錢，有時過吓簡單嘅生活，可能仲開心。
但係人總忘不了金錢：窮人晚晚發夢中六合彩，朱門日日期盼上富豪榜。
我都係唔好咁多嗲喇！因間阿媽又話我冇大志！xD
唔得！下個禮拜揾人打吓波先！如果再留喺屋企話我呢條蟲就會進化喇！: P