Once again, thanks Hacker Comex! =]
唔講長，琴晚太興奮，訓得兩個多鐘，今日番 8:45am 之後又開莊會，好攰！
今日十一點半番到屋企，喺樓下有個七八歲嘅仔踩兩輪單車…
明顯佢係唔識踩，但係踩得超快，不過左搖右擺…
條路得兩個半人咁闊，真係擔心佢會撞埋我度。
好在佢冇，擦身而過之際佢講咗聲對唔住。
過咗冇幾耐，後面傳出一陣金屬摩擦聲：佢仆低咗。
我停咗落嚟，想行番轉頭去扶佢，佢反而超快起番身，一貶眼已經坐番上架單車度。
好欣賞佢咁細個就咁有勇氣，會夠膽同陌生人講對唔住；遇到挫敗冇放棄冇猶疑，繼續嘗試。
I can accept failure, but I can never accept not trying.
仲有，佢踩過我身邊嗰時，我留意到佢眼神，係望住前面，非常堅定，佢知道自己有個目標，而佢都知道自己可以。
我敢講將來佢必定有一番作為！（睇人我強項 XD）
反而，就係佢罔顧咗人地嘅安全，淨係企喺自己角度惗嘢，唔理前因後果，真係唔要得。
但係，畢竟佢仲係小朋友…
不過，呢個世界有 d 人就算過晒 18 歲，都係如此不幸…
成人，大概應該視乎心智，而 18 云云，一笑置之啦。