今日睇咗【關雲長】，個人覺得好爛…
睇過正史嘅唔洗去睇；未睇過嘅都唔洗去睇。
未睇過嘅，你未必睇得明，劇情太亂喇。
三國係一個引人入勝嘅時代，淨係我都睇過【三國演義】原本六次，正史【三國志】兩次。
睇過嘅，你會發現好多漏洞、歪曲嘅地方。
呢套戲完全反映唔倒雲長嘅情義，選材都好一般。
不妨考慮改片名為【新漢壽亭侯】，以免誤導觀眾。
PS 本身寫咗一大篇嘢，最後都係 delete 咗，因為越寫越有嘢想鬧，不過都係去讀書喇
PSS Koma，見倒你嘅留言！大概正如你所說，that’s marketing. 可悲，可哀。
題曰：休誇妙計高天下，只教你賠了夫人又折兵
又：周郎妙計安天下，賠了夫人又折兵
周郎呀周郎，想不到今日落得你如斯天地⋯⋯
魚與熊掌，兩者既然不可兼得，我可沒貪心，只選了一樣，結果還是
魚和熊掌都得不到⋯⋯
今日o既事，過o左去就唔好再提。終於過o左最 chur o個日⋯⋯
考試淨番少過一半，下一科係 14 號。雖然有排，不過我會努力埋佢。
下年，我會努力讀書，呢度比個承諾自己，要狠心斬斷一切藕斷絲連o既o野。
Deactivate o左 Facebook 幾日，算係相當成功，呢個決心有o左好耐但係都冇實踐。
但係因為手機電話簿，被逼要 activate 番佢⋯⋯
反正已經戒毒成功，就算開番，一樣可以減少 facebook o既 activity。
不過，Facebook share 相片亦然非常吸引。 XD
到o左呢一刻，都唔知呢個決定o岩唔o岩⋯⋯
過埋聽日就可以休息一下。
加油。
今日考 CSIS0322 Internet and the World Wide Web。
琴晚努力到三點九，點知訓落床居然太精神訓唔著。碌咗成個鐘先訓得著。
莫非「求之不得，寤寐思服。悠哉悠哉，輾轉反側。」？（笑）
今日鬧鐘 set 咗七點三，啫係訓得兩個半鐘。
醒咗，點知太眼訓，又訓番。八點三起身，突然成個人跳起：
「八點三？我仲未整 cheat sheet！」
因為之前搞 cheat sheet 都落過好多努力，唔想功虧一簣，結果寧願遲到都要整埋先！
終於真係遲咗 10 分鐘，全場 ~400 人睇住我行入嚟 @_@
三個鐘嘅卷，點解我個半鐘做晒？以為自己做漏，睇嚟睇去都冇吖…
結果對咗一次卷，心惗不如早 d 番屋企溫吓書，就算唔溫書訓吓覺都好（XD），最後早走咗成個鐘。
應該冇問題啦，我都唔係第一個走，肉雞同占占占都早走過我… XD
好，繼續努力！後日考兩科，corp fin. 同 algorithm，係成個考試最難最 chur 嘅兩科，過埋後日就 14 號先下一科，中間可以唞唞，已經約咗人 10 號去唱 K… XD
挨埋後日就世界，一於搏盡佢！
第一日考試，考嘅係 ELEC2804，啫係 Engineering Economics and Finance。
係 CS 嘅自選必修科（XD），但係因為我 Double Degree 讀咗 Intro to Econ 同 Corporate Finance 就可以唔讀。
但係想拉吓 GPA，所以 take 咗。
其實呢科雖然 3 個 credit，不過都教幾多嘢，如果我冇讀過 business，半日一定讀唔晒。（註：我冇上過堂）
主要分四個部分：Microeconomics, Macroeconomics, Finance, Accounting。
個阿 sir 一定係 macro 嘅專家，考試分分鐘多過一半係 macro 題目。
而呢四個部份裡面，我偏偏淨係冇上過 Macro 嘅 business course（elective），其他三個各自 6 個 credit 嘅佢反而出得少。
咁啫係我同冇讀過 busi 嘅大家考呢份卷係冇分別。
引述番 BD 嗰句：我讀過兩個 6 credit 嘅 accounts course，加埋 12 個 credit，都係 ba 唔倒 account 嗰條，balance sheet balance 咗舊 shit 出嚟…
好在我見佢又 balance sheet 又 P&L statement 咁 chur，為免連環爆廠，既然有得揀第二條，就揀咗條日本地震 Yen 升跌嚟做算喇 XD