Things happened in my life as well as some thoughts.
不知不覺間，原來已經有一年冇喺度打過嘢⋯⋯
幾年前已經知道 Davinci Resolve 嘅大名。嗰時跟一個王家衛大導嘅剪接師傅學剪片，佢話荷李活所有 Colorist （調色員？）都係用佢。太專業，太複雜，所以當時都冇諗過學。
直到近來 Adobe 將 SpeedGrade 大量嘅 function 搬到 Premiere Pro，先開始認真做 video 嘅 color correction。由上手到熟練，想進一步了解呢個範疇，終於的起心肝去學 Davinci Resolve。
果然相當專業。學習咗兩個禮拜，而家摸咗個大概，開始去做第一個 project，好大成功感。
He who is not courageous enough to take risks will accomplish nothing in life. – Muhammad Ali
去咗 6 日台灣旅行，期待咗好耐，近來工作比較多嘢做，想行開吓散散心。
結果 6 日一眨眼就過，好似喺香港過都冇咁快。
影咗好多片，執死，不過可以望梅止渴，下次去旅行唔知幾時，有假放唔倒⋯⋯ :'(
今次最後 3 日自己一個人去旅行，發覺自己都幾享受一個人去旅行。（毒自去偷歡 lol）
執好相同片再擺上嚟。
好耐之前，朋友小白（特別鳴謝）金耳竟然發現兩首歌好相似，我前排有時間第一次 mix 歌試試，結果好正！有興趣嘅聽吓。 🙂
呢年，等咗幾個月嘅歐聯決賽。
呢世，等咗幾年嘅祖記歐聯決賽。
今年係巴塞隆拿對祖雲達斯，前者係我第二最愛，後者係我第三最愛。（偏偏最愛嘅係無力爭冠嘅利物浦⋯⋯）
其實，與其話鐘意祖記，不如話鐘意祖記裏面嘅兩位大佬。
一位史上嘅超級門神，一位史上最強嘅中場大師。可惜歲月不留人，兩位已經年過 36，可能今年會係最後爭標嘅機會。
要再睇倒類似兩位嘅足球，只怕要等十幾年。
我同意巴塞比祖記嘅贏面大，但係我相信，入得嚟決賽嘅祖記，經歷過千辛萬苦，絕對有實力，絕對唔係僥倖。
所以我真係好想祖記贏倒，將呢面金牌送比即將退休，足球史上嘅兩位英雄。
多謝你地陪我地成長，見證足球嘅美麗同浪漫。
今晚 2:45 am，Fino alla fine forza Juventus！
最近自己拆開部 NAS，由 1GB RAM 升上去 4 GB，明顯快好多，百幾二百蚊嘅升級相當值得。（唔識電腦、唔想拆機、有錢人大可比 4 千蚊買過部新 lol）
上個禮拜搬咗屋，搬到好高。
三日假期就咁過去，永遠放假嘅時間都唔夠，番工嘅時間⋯⋯ 都唔夠⋯⋯
六月，歐聯決賽、WWDC、去旅行，請你快啲嚟！
