Things happened in my life as well as some thoughts.
5/10
今日都應該算冇事喇！recover 得好快啊，鄧駿！有 d 扮嘢 feel…
有成堂 M&S 溫 M&S Uniform Test 1，但係喺學校真係溫唔倒書…
例牌，free lesson 去 canteen 食飯，之後去 LC 邊聽歌邊做數…最後又係一題都冇計過…
英文堂，交咗份吉咗 letter 嘅功課比佢…
之後唔知點解比同學們叫咗出去玩 big tv guesser，多謝 teamates 咁落力，到最後我做咗 dee 后嘅陪襯品…
之後去咗 uniform test，都唔知做緊乜…（LWI 喺我地 test 嗰時玩嗰把掃把，嗯嗯，下次見倒有垃圾記得揾佢 xD 講笑！）
今日好多個 sms，仲有幾位好友喺我上緊堂嗰時狂打比我，好在較咗震機啫…^_^
放咗學同 go go feng 去咗「遭殃」。
之後同佢補英文。佢喺堂上做咗金魚佬，猛咁釣魚…
也難怪！恆商嘅朋友都咁勤力，好似佢咁，日日放學四點讀到兩點半，我真係自愧不如。好似聽日咁，又去唱 K。今次係同實力派唱，睇黎聽日又要比人恥笑！xP
大家可有覺得我今日怪怪地？如有，那我的笑容遮蔽不了我的悲傷。
有好多人都話我開朗，甚至有人叫我開心果，但係我呢個開心果今日好唔開心…
琴日阿妹電腦有 d 嘢唔識叫我幫佢手，佢諗都冇諗過，試都未試過，就叫我幫佢解決。第一，我想佢養成自己試過唔得先揾人幫嘅習慣；第二，嗰樣嘢我都要諗吓先，所以叫佢自己試吓解決先…
我用咗個半鐘黎同佢諗辦法，全心全意幫佢，出去同佢講點搞（我都覺得佢盡過力了，應該係時候可以知道個方法），佢竟然話我晒佢時間，識又唔一早講，就連爸爸媽媽都係咁諗我…
我同人有意見不合嘅時候，我都會先諗自己有冇錯先，呢個係我開過無數次會嘅一大收穫。我琴晚諗咗一個鐘，始終都係諗唔倒錯喺邊…
突然醒起嗰日 Catherine 嘅個人短講，有時好心真係未必有好報…
我都冇同佢講過話我其實為佢諗咗個半鐘，因為我唔係嗰 d 同人做咗嘢就實要人知嗰 d 人…
想哭，很想哭，卻因這幾年嘅磨練，使堅強咗唔少嘅我哭不出聲，但個心始終好痛…
唉，算啦！有時住在同一屋簷下，也不可計較這麼多了…呢個可能就係我嗰個錯，係我睇唔開，係我太執著了…
今日拉嗰首 Meditation 特別動聽…
希望明天我還笑得出。
1/10
今日應朋友之求成功開發咗個 Forum Browser（暫時淨係寫咗比 Vista or 有 .NET Framework 2.0+ 嘅用戶），暫時知道嘅係有一個好小嘅 bug 仔（其實 fix 唔 fix 都係咁），大家幫吓手捉蟲吖！xD
下載（唔好直接 Run，Save 完先 Run）請上：http://tangchunhin1628.googlepages.com/FriendzForumBrowser.exe。歡迎提供意見！
今日去剪頭髮，原本個師傅放咗假，費事又走多轉求其剪咗佢算。最後剪咗個薯頭…
唔好笑呀吓！邊個笑我剪晒佢 d 頭髮！xD
近排多咗好多 PSP Game ！有即將黎嘅 PES 2008 啦，FF 漢化啦，NBA Live 2008 PSP 版啦，FIFA 2008 啦（玩咗三個字 delete 咗，都係 Winning 好得多），仲有好多好多… 聽日仲出 NBA Live 2008 PC 版！死啦，我想還俗呀，點算？=P
超中意 Arenas！
2/10
好多謝咁多位同學仔冇笑我個頭！xD
今朝出去 morning assembly，有嗰種 feel..自己睇吓啦！點解校長冇佢嗰種 feel？今朝有參加到 morning assemble 嘅同學，包笑！xdxdxdxdxdxd
哎喲！佢話禮拜六最早走係十一點半，要遲 d 黎喇！
今次係同實力派朋友唱 K，朝早要開聲…xP
今日搞咗個 music club，本來諗住齋 orchestral music，不過唔知點寫，所以暫時搞埋 vocal 先啦，有人搞 vocal 我先睇吓點啦！
其實搞埋都冇所謂，如果留喺原校，搞 APA（Association of Performing Arts）！
唔開心！點解早交反而會比人扣分？！唉！算！識我嗰 d 都知我平時分出名唔愛分嫁啦！UE 又冇 SBA 嘅…
跟住 M&S 堂同清怡 ebell 傾到好喪，又話搞咩 joint school food appreciation（叫晒成班人黎望住 d 飯呀菜呀…），仲話搞 LWI Club … ## “
見 d 數唔太難，上 M&S 趕中文文化題，個個做緊數嗰時喺度做中文，太揚，比 LWI 沒收咗份嘢…
落堂前問佢攞番，佢竟然肯比番我囉！喺學校做埋佢，多謝女班長 Christine 等埋我！^^
PS 呢張相係大概十二三年前，中間嗰個係邊個？=_=” 個景深大家又點睇？
好喇！一星期就咁過咗，可以打番 xg 喇！
呢個禮拜有兩樣嘢難忘。
首先就係星期三。嗰日喺屋企食完生果飲咗包陽光檸檬茶，一飲落去… 點解會有汽嘅？跟住我自圓其說：「可能係岩岩食完 d 生果，同檸檬茶有 d 撞。」
飲多幾秒，真係粗口都黎埋：oh shxx！xD
你道是啥？我吸咗 pat 嘢上黎，semi-liquid，好似咀嚼完吐出黎嗰 d 酸梅咁…
跟住我就諗倒喇！係有細菌喺裡面 reaction 後嘅 product 黎，d 「汽」其實係 carbon dioxide（好似汽水咁），係佢地 respiration 製造出黎嘅…
跟住嗰晚個肚攪咗一陣，好在第二日冇事啫…
嘩哈哈！28 號係 mentor day。地點：YSM 家。
呵呵！預咗會玩遊戲逼食嘢，所以神早留肚！
見小白咁慘，唉！幫吓佢啦！（我冇份加餸嫁 ^.^）
之後去咗唱 k 囉，唔該攞番個 key 丫，小白！xD
我把聲… 唉！咁落去啞都唔出奇，一個星期三次 K，加上夜晚陪吓阿妹發吓癲…完全失聲！
聽講禮拜六又要唱噃，唔知頂唔頂得順呢…
琴晚又煲粥煲到四點鐘，史上第三次！
仲要我唱埋歌！唱咗首「笑笑說說想想不經已日出，和我說一聲早安。」xP
今日睇咗個「童真小記」，幾得意，highlight 咗嗰 d 係我細個有玩過嘅，你地呢？
0１. 玩米缸, 將手插入米缸裡面o既米裡面.
0２. 在百貨公司入面「篤」扶手電梯的吊牌
0３. 地下有階磚特登隔一格一格黎行 (不可踩界, 要完全在格內)
0４. 用錶面反射陽光, 照黎照去
0５. 跳樓梯 (愈多級愈勁)
0６. 行路上高起左地方, (例如高起左o既長條型石博, 好似玩平衡木咁行法)
0７. 鋪張紙在硬幣上面, 然後用鉛筆係上面油, 油返個形出黎
0８. 食完瑞士糖之後, 將糖紙包番個原本四四方方果個形
0９. 超級市場踩住架購物車黎行
1０. 踩水tum, 係好特登果隻
1１. 吹口水波
1２. 搣牆上的乳膠漆或牆紙
1３. 係平滑o既地面上面跣下跣下.
1４. 整濕d紙巾,掟上學校廁所天花頂.
1５. 食完綠箭香口膠, 一定摺返成張包裝紙再放返入個大套入面.
1６. 響課室玩過俄羅斯輪盤, 將玩粉刷霑滿粉筆粉放係風扇上面等個風扇轉轉下轉得怏個
1７. 拿阿媽d 線圈放膠袋 (當風爭甘放)
1８. 拿AA膠痴o的手指….再等佢乾….用口咬返o
1９. 用塗改液….係咁o即起一個位…等佢變一個半圓
２0. 係咁切擦子膠, 切完一條條,儲埋去….整一條大既…..
２1. 在擦膠上劃公仔~~~做印仔~~~
２2. 細個無意義動作: 用禁芯筆/鉛筆篤擦膠,整到好多一粒粒鉛筆痕,唔知為乜
２3. 用塗改液o係課本既封面寫自己個大名
24.震音與風：簡直爆大冷！原來好多人都試過對住風扇講，把聲好似「聲音經過處
25.飛拖鞋：拜足球小將所賜，飛拖鞋鬥遠是為屋村細路必玩項目。先燕式平衡再發
26.電梯倒行：超級危險遊戲，一下失手隨時浴血電梯上頭條。
27.踩影：唔知邊度聽到人話俾人踩中個影會黑仔衰三日。12點烈日當空最好玩。
28.踩人白飯魚：白飯魚，係踩，你髹得愈白洗得愈乾淨就愈易成為眾人目標！
29.背脊貼龜：貼時記得要用張長膠紙，輕輕High過目標背脊。大力拍只會打草
30.撩鼻屎黐落牆：好唔想畀佢上榜，實在太核突喇。奈何大部份受訪者都陰笑自己
31.壁虎功：屋企走廊或房門練習，落番手騰腳震。
32.捐地鐵出入閘機：明知過三歲，仍然不買票，好多人都做過，但睇怕都係「被迫
33.玩水喉：洗手時突然住個水喉搵水射人。
34.彈擦膠：用間尺扮搖搖板，彈起擦膠。
35.射橡筋：幾條橡筋一齊射，睇落好似好勁，實質瞄唔準。
36.夕陽石壆：樓梯邊石壆玩溜滑梯。但家斜石壆難搵，雷同跣鐵欄都係沒落遊戲。
37.白鴿轉：捉地鐵扶手轉呀轉。
38.龜兔賽：地鐵月台鬥快跑。
39.白撞：亂才禁人門鐘後速逃。
40.圍閹：嘩！小心絕後。
41.搶爛巿：將汽水罐放係車轆前，等人開車時車扁佢。唔通想同執罐阿婆搶食？
42.精神分裂：屋企一人分飾幾角玩煮飯仔。
43.射水槍：用水槍射街上途人。
44.放飛機：將紙碎或紙飛機撒落街。
45.過手癮：將Bubble紙氣泡逐粒鍊爆。
46.玩筆盒：同隔籬位鬥快開晒筆盒既機關。
47.爆「樽」：特登將飲完的紙包飲品吹脹然後放在地上，大力地踩爆佢。
48.煲蠟：禁喇！差人拉呀！
49.沖廁：屙尿時出力射走屎。
50: 很高興認識你：同對方握手時(特別係男仔)， 會暗中出盡全力，想令對方覺得自己大力。
51: 天下太平: 玩到張紙穿晒，仲要畫一d有電的防護網（當然聲稱有電而已，效果與沒有電的相同）
52: 東南西北：玩到咁上下已經唔係玩東南西北，而係張個 “東南西北” 當左做隻怪獸咁去食人。
53: 夢飛行: 間尺加筆當飛機玩，呢個冇理由冇玩過~
54: 串燒薯圈:食薯圈前張d薯圈套晒入五隻手指上面先食~
55: 高空轟炸: 用個膠袋裝滿水，縛埋後從高處掟下，通常係樓下行人前兩、三尺落地就good fit啦！後來D人進化到用尿代替！
56: 學校探險: 晚上留係學校探險~ 勇奪一d平時唔會去既地方~超激!!!!
57: 千秋特技: 千秋鬥高, fing到差不多打個圈咁~ 後來演變出”鄧”秋~即係當千秋向上fing時~雙方用力將鐵鏈向內壓~ 等千秋由最高點fing番落黎時就突然鬆手唔向內壓~ 咁樣千秋fing落黎時就會”鄧”一下~
58: 美麗與智慧: 多數女孩子都一定有玩過”香港小姐” ~即係屋企是但拎住阿媽既鍋鏟or長型既野,仲有拎張被or 項巾係屋度走圍走, 扮香港小姐嬈場一周~
59. 籠屋: 係屋企既碌架床鋪晒被整個空間出黎, 好似整左間”屋”比自己咁~ 不過係入面又黑又焗~ 玩一陣就出晒汗…=.=
60. 水龍捲: 用力搖屈臣士/清涼水壺中的水…直至壺中的水呈現”龍捲風”的狀態…仲可
61.發現新星: 用五支血身牙簽屈做食星形~再係其中一隻角”skip”一支做柄~ 當做魔法棒~ or 屆完星形之後~ 放係茶樓係碟到…加水係中間…變放大左既星形…
62. 筆跡足球: 雙方各用筆畫點在紙上….把筆放在點上再用食指放在筆頂…用力的壓…
遲黎嘅「大作」，呢一篇係我離開咗高記之後嘅小記，用嘅係口語文字，計埋呢段總共三千字。我唔奢求所有睇完呢個 post 嘅人留意見，更唔見得會有人肯睇晒呢本我喺高記嘅大書，但係我希望我嘅朋友，或者係高記仔女（不論熟唔熟識唔識），得閒可以求其睇下，至少睇下文末，因為呢篇嘢係我大半人生嘅薈萃，而高記仔女好可能同我有共鳴。我收起一向幽默嘅作風，取而代之係較輕鬆但嚴肅嘅態度。我喺高記只有回憶，沒有未來喇，所以係我朋友嘅如果你得閒就睇下啦！
呢幾日都落雨。雨，總令我諗起以前嘅嘢。
話說五六年前有一位小朋友，姓鄧名駿軒，佢升中嗰時揀咗 1st Choice 係高記。本應已被收錄，但係「人心不足蛇吞象；既得隴，又望蜀」，投考 St. Joesph 力有不逮，St. Paul Coed 入到但係怕考唔到頭 35 名要比學費。所以，大家就係嗰年嘅九月見到小可喇。
嗰年 F.1，最深刻嘅莫過於係 Mr. R. Cheung。點解？你有無見過先生一堂怕十幾次台，成日都話打比家長？仲有佢 D 口頭蟬：”Who is on duty? Come out and clean the blackboard.” “OK, which part did we last?”
當然，Dr. A.P. Chung 都係一個神話，成日插住個電話喺褲頭。最搞笑嘅係，我地一見到佢就拍手掌，佢就邊向我地招手邊講多謝… “Stop kidding around! It’s not funny!” “This is an EMI school!”
仲記得嗰陣時一小息就同廢莫、曾灝、歐陽去操場玩捉，跑得最快係我！^^
嗰年我考全級 5x，入唔到 2B，啫係拔尖補底班。
上到去 2A，真係好值得講講。
首先，2A 班係我入過最曳嘅一班，但係幾團結。最記得我地嗰年小息尾嗰時全班一齊唱歌，最勁係嗰首咩東方之珠，搞到 D Prefect 入黎叫我地收聲我地照唱，最後都係要 D 阿Sir 入黎鬧我地。xD
嗰年嗰班人真係好曳，其中主將當然係高天勁。我記得我坐佢前面，佢一日到黑喺我後面爆粗嘈住我上堂，得閒攞下部打火機出黎燒我張凳，最衰嘅係一日到黑喺我後面講埋晒 D 鹹濕嘢！OMG
嗰年 Apple Pie Chung 叫我地作口號，主題係校園欺凌。我作咗「校園暴力齊反抗，反抗校園齊暴力」，激到佢…
幾個月後佢比 2C 班李嘉俊拋咗舊朱古力入口，以「堂堂博士受此欺侮」憤而他向，改行出書…
至於先生，最記得係黎 Sir（D 人叫佢鮑魚賊）。佢第一堂就玩軍訓，把聲大到震天，咩「我唔容許xxxxxxx」上佢堂嘅規則佢講咗成堂，嚇到我地！
佢好憤怒咁指住我大喝：「You!!!!!!」嚇到我！我以為做錯咩事…點知…「Close the door for me.」omg!!!!!!
不過之後嘅 History 堂好開心，佢講 History 好似講故事咁，上堂 D 人又唔敢唔聽書，次次佢問問題大半班舉手爭答…
F.2 我入咗學校第一屆嘅 String Orchestra，一入去拉 Vivaldi 嘅 Spring，又得十幾支 Violin，係我 Orchestra 生涯裡面最難頂嘅一年…
F.2 運動會我有跑四乘一百，本來贏咗第二，但係佢話我踩線所以比佢 foul 咗，對唔住呀！各位戰友們！
嗰年我識咗岩岩喺聖士提反堂入黎嘅巴士佬，我考全班第一（全級第十五），佢考全班第三（全級二十九）…
Form 3 我終於入咗拔尖補底班喇！
呢年我識咗 charles、ivan，同大半班 5B。
呢年最值得講嘅梗係軍棋喺高記嘅源頭啦！我係其中一個元老啊！
有一日放咗學無嘢做，岩線有五個人留喺課室，鋒哥提議玩一種香港唔流行但係內地盛行嘅棋。就係咁，鋒哥、mao、阿佘、matthew坐低咗玩，而我就做 judge。就係咁，一鼓全新嘅「棋潮」被引入咗喇！
下面再講捉棋呢單嘢。
呢年無乜特別，只不過一齊搭校車嘅全級第二（定第一？唔記得喇） Gag倫學期尾去咗英國，charles 入咗文科班。
嗰年我考 around 全級第七。
EPA Project Group Members（我地好似大個咗好多…==’）
Form 4就…
哈哈！首先係 Orchestra，玩十月嗰個乜嘢 Crossover。
跟住喺 Speech Day 個 Conductor 表演緊嗰時唔小心將我地 First Desk 份譜打咗落地（有 solo），我地唔執繼續拉，藉此 show 比人睇我地好熟，熟到識背譜，結果不但掌聲如雷，仲有家教會主席（嗰年係 Charles 阿媽）讚我地好勁。: P
嗰年同 kerry 同 emily 玩超快版 Queen of Sheba，玩到好癲！
當然仲有就係嗰年贏咗 Music Festival（哈！我係高記 String Orchestra 第一個上台攞獎嘅 Chariman : P），之後 conductor 仲請我地食「部飛」！
開學無幾耐，有個咩「中國文學與文化比賽」，唔知點解同鋒哥攞咗高級組（F.4 – F.7）嘅雙冠軍。
嗰年本來諗住參加英文打字比賽（我嗰時每分鐘七八十個字），收尾好似因為捉棋所以無去到。: P
F.4 同 F.5 都係兩位…mmmmmmmm….經驗老到嘅班主任！點都好，好多謝佢地處理班務。
F.4 我考全級第五，喺高記成績最好一年。
但係唔知係咪因為揀錯咗普通話，搞到多咗好多嘢讀…算啦！我話過唔會後悔！
Form 5 就係最充實嘅一年，無論玩定係讀書都係！xD
嗰個暑假去咗北京，我就一時興起寫咗一篇五千字嘅【北京之旅】比 Miss R. Hui。五千，正好代表中國五千年悠久嘅歷史…
其實一直都有幾樣嘢串起 5B，當然，考好成績呢樣一定係啦！
首先要提嘅就係足球機。我地呢一屆 CE 考得唔係幾好可能好關佢事。各位 5B 兄弟記唔記得，我地開學頭放小息前幾分鐘我地做乜？三個動作：攞波、企喺門口等小息、衝出！~lol~
我就最勁打後衛同前鋒：後衛我防守較勁，間唔中入下波；前鋒我就 all round，橫傳我 ok，直打 post 我 ok，反應我都 ok，但係千祈唔好叫我打中場！^^
打足球機最難忘係咩？首推緊係 5B 「書蟲」完全釋放，粗口「此起彼落」；其次梗係休褲打中場啦（巨力…）；之後梗係 raptor 最出名嘅後交。
再要提嘅就係拗手瓜。大家應該記得（容許我爆粗，因為個名係咁）【姚氏仆街大法】，嗰下大喝，跟住黎嗰下巨力…
跟住嘅就緊係要提踢毽啦！自從學校搬走咗嗰幾部足球機，我地就「移情別戀」，改行踢毽。最難忘？使講！梗係 N 棟踢踢下毽爆呔啦！xD
之後我想講講軍棋。呢個玩意好快喺 5B 裡面流行起黎，我都喺裡面學到好多人生道理同人心理嘅弱點，由一個令相太重嘅白痴進步到「令用師行，師用令行」。其實由捉棋都可以睇到好多人嘅性格，好似瑋叔唔塞底營，反映佢做事有進無退唔理後果（~lol~ 其實我覺得你改善緊喇）；鋒哥唔怕人用疑炸兇佢令，照樣吃下去（所以佢 “lai” 彈機會比平常人高 xD），反映佢唔怕威脅同蝕完再賺嘅性格；我就…梗係扮令同揾軍長兇司令啦，反映我有時做嘢太大膽同對敵人欺詐嘅性格。（我都係蝕完再賺嗰類，我師長永不跟彈）
不過下年嘅高記就…淨番瑋叔同 matthew 兩位「常客」喇！怕且呢個玩意又要沈寂一段日子…
我地 5B 嘅團結係可以睇得到嘅，我講緊嘅係 Singing Contest。我地唔怕辛苦，唔怕沉悶，唔怕低能，終於喺我地每一個 5B 成員心裡面畫出呢個永不退色嘅彩畫。雖然我地嘅歌聲嚇人xD，但係唔緊要，我相信每一個 5B 兄弟都好享受（台下面嗰 d 受罪咋嘛 xD）。下面我 embed 咗嗰段片，再次回味一下！
呢年我就因為成日玩同太 hea，其他同學發力嘅時候我就喺到打機，搞到得全級 24… 正好係我會考得 24 分嘅預兆…
6月8號係我地嘅 Graduation Dinner，其實我嗰時都無諗住會轉校，以一個實入得番高記讀中六嘅身份參加呢次聚會。估唔到嗰時係我地 5B 相聚嘅最後一日（放榜嗰日有 d 人無黎），睇黎都係無機會揾到一日全班出黎 hea 喇！
講一講先生先啦！我最難忘嘅先生有兩個：譚國軒老師（Mr. K.H Tam）同林家傑老師（Mr. K.K. Lam）。譚 Sir 由我中四開始教我 Bio，我地喺趣味下學 Biology 同點答題目，佢嘅 Gag 我真係要好好學習 xD，我諗比譚 Sir 教過嘅學生裡面有大部份都會推佢為自己見過教書教得最好嘅老師；而林 Sir 就係一位好希望學生進步嘅老師，睇上去有 D 難相處，但係你同佢熟落就知其實唔係（佢曾經比過我睇過佢十幾歲入黎高記教書同校長合奏 Double Violin 嘅相），而家考完會考唔怕話比大家知，先前個 CIT SBA 佢要我地做一兩個 Hyperlink Link 去兩個 HTML 嘅 file 到，我因為懶無做到，又唔夠時間再做，求其寫咗兩個 Program （有 D 人問我攞過，一個係 HKID Validation，另一個係 MC Checker），問佢可唔可以用嗰兩個 Program 頂包嗰兩個 HTML，基本上唔得，但係佢最後批咗，因為佢話「你曾經為呢個 Project 付出過」，最後佢仲比咗我會考嘅 19 / 20 ，好多謝佢！^^
各位老師，keep in touch！我 CE 考得唔好無面見你地，我考好 A Level 再請你地食飯！
至於最難忘嘅物件當然係學校嗰幾部足球機啦！我地唔知為咗佢晒咗幾多錢買 WD – 40！xD
最難忘嘅地方就係成個高記校舍。我喺呢到識就咗我大部份嘅朋友，無論高 Form 抑或低 Form，係男係女，如果你當我係你朋友，我就係你朋友。
而家我去咗莊啟程喇！「留下只有思念，一串串，永遠纏…」，不過…
「浩瀚煙波裡，我懷念懷念往年；外貌早改變，處境都變，情懷未變。」
“Once a Raimondian, always a Raimondian!”
Love you guys -3- , thx for your care, thx for your encouragement, and thx for forgetting whatever i owed you. May I be a part of your memory forever? Just a memory, just a little piece of memory…
Forever…
