Things happened in my life as well as some thoughts.
華東嘅相遲 d upload 上黎，有排揀！
今日諗咗一陣，終於比我諗到個方法可以破解 charles 學校 block 網嘅辦法喇！不過我要寫個程式，試下聽日開工先！
先前寫過個 game 可以 connect 嘅，今次都應該難唔到我嘅…
難又點？我唔會怕嘅！
開學喇！想開學又唔想開學咁，心情矛盾…
開咗學唔學琴 lu，每日慳番兩個鐘溫書！停住喺演奏級都算係咁啦（上到大學繼續）！橫掂我冇諗過要行音樂呢條路…
一諗起唔行音樂呢條路就有 d 心痛，因為好似晒咗我 Perfect Pitch 呢個特殊能力咁…
我解下咩叫 Perfect Pitch 啦！簡單 d 黎講擁有佢嘅人係唔洗用 tuner，用 bare ears 就可以聽到任何音係咩音（eg. D, D#），同埋可以人地叫你唱個音出黎（eg. middle C）你可以好準咁唱出黎。
點解我話晒咗佢？因為呢個唔係話練就練到，有 d 人練一世都唔得。全世界得 0.01% 嘅人有 Perfect Pitch 咋，好多音樂家如 Mozart 都係靠佢揾飯食 xD！（我都可能會係！; P）
1/9 @ 澳門
今日神早去咗澳門。原來來回船飛都要三百幾蚊！
澳門嘅水都幾清，又泛藍，靚過香港好多…
全日最正嘅行程就係去威尼斯人。點解？因為嗰到開咗四日咋，今日係第五日，個商場大到…暈！可能有兩三個太古城中心！
今日行咗好多名牌店，有 LV、Tiffany & Co.、Dior、Fendi、Chanel、Giordgio Armani、Prada等。LV 都要排隊入店？！
最難忘嘅係午晚兩餐。晏晝食佢地嘅地道菜雞煲翅，d 翅好正！
夜晚就食新葡京自助餐，真係食到嘔！爆多嘢食囉，我食飽飽只係食咗四份一咋！
我無聊計過，用正常嘅步伐行，要 125 步先可以行完全部食物 counter，特色有鐵板燒、自己撈大頭蝦即場燒、長腳蟹、chocolate fountain、Haagen Dazs 雪糕…
我食到行唔郁！xD
廁所推拉式自動門，一行埋去度門自己郁，嚇死我…
Unforgettable Day！
PS Charles 學校 block 埋我個 forum，而家除咗用 email 應該冇第二個辦法（其實仲有辦法，而且係永久唔會比佢 block 到，但係有好多 code 要寫，寫完我 A-Level 全部科都 U 晒喇！xD）。講真，我得到消息嗰時我真係好興（識我嘅都知我好少咁…），就好似剝削一個人同朋友聯絡嘅機會，我敢講，可以話呢個係每個正常人嘅權利！
今日去咗唱 lunch K。
我細個唱歌好好聽，仲入咗香港兒童合唱團。而家有 d 衝動恢復以前嘅光景，所以而家開始試下練番把聲，各位支持我可？
Tim 把聲超似古巨基，連 d 口氣都似！xD
晏晝去咗打 squash，瑋叔又黎一齊打。炒佢炒到佢冇癮，神早走咗喇！
明明讓晒佢喇噃…
Acceleration = 0！=_=’
有好多人話『不能說的秘密』好好睇，咁我咪去咗睇囉！真係幾好睇噃！強烈推薦情人們去睇！; P
嗚！又斷線！又害咗一個對家喇！自己扣四分減勝率加逃率唔緊要，係我負咗你！嗚嗚！
仲可唔可以維持我「人不負我，我不負人」呢個原則呢…
PS Tim 同熊仔唔好傷心啦！下年 retake 中文祝你地攞 5*！
PSS Charles 學校 block 咗 MSN 同 Xanga，以後喺到唔見佢喇！我地我個 Forum 見！
今朝八點九起身，為咗去幫高記一把。
九點半同熊仔去咗科展，撞到蛇、周銘賢、Frederick同何匡文，個個都係黎為咗高記。
好憎比人Hard Sell，行過 d counter 成日有人走過黎 sell。冇計，為咗高記。
「先生，有冇興趣睇睇我地嘅發電器？」一個唔記得咗咩學校嘅女仔問我。
「冇！」我笑一笑乾脆答佢。佢都報以一笑，我諗佢都明。xD
因為比佢 sell 一 sell 就唔見咗唔少時間，檔檔都係咁就死。
最後投咗 ph13、ph23 同 ph31，分別係高記，一間大埔嘅女校同南島中學（佢個 counter 連 demtor 都「有」！xD）
之後同熊仔食飯兼行太古，佢最後肚痛，我又有嘢做，唯有遲 d 再約出黎玩！
夜晚收到個消息，話高記輸咗，淨係贏咗個 best demtor，燃料做咗「最佳第『四』人」; P！唔緊要啦，下年你地再黎過！
我下年都會再黎過！xD
PS 首詞都係等開咗學先解喇。
PSS 有冇人知道白兔糖都有幾種味？上：清涼奶糖；中：巧克力奶糖；下：酸奶（啫係奶酪）糖。全部都係上海嘅特產。
27/8
去咗洗牙，算我唔好彩！盞燈壞咗整唔番，d 客又多，個姑娘走黎走去唔幫手 hold 住支管，搞到個牙醫無得用嗰隻牙鏡，同我洗牙…肉！omg！痛到…
28/8
朝早去咗睇衰鬼上帝，好搞笑，但係睇完之後覺得要改名叫好鬼上帝…
不過有個地方幾岩，雖然我冇宗教信仰，但係幾深刻：上帝唔會賜你一個和諧美好嘅家庭，而係賜你一個機會去擁有和諧美好嘅家庭。
晏晝打 squash，第一次沒有 charles 嘅 squash。我地送比 tim 嗰塊 $800 嘅拍真係幾好打，又輕又慳力！
夜晚去咗行 mk，終於買咗小提琴王隻碟喇，so enjoy！一支 Violin 頂到成隊 Royal Philharmonic Orchestra （俗稱 RPO）嘅聲。㊣㊣㊣㊣㊣㊣㊣㊣
之後食 Haagen Dazs，順便坐低做下女紅！xD
夜晚去咗同 edward、vivian、瑋叔、sharon 食韓式燒烤，有冇人數過我地晒咗幾多舊雞翼？≧﹏≦
成身 BBQ 味番屋企，一路上惹黎「友善」嘅目光 xD！
同 edward 傾完之後重拾對中樂嘅興趣！
29/8
今日番咗莊記，eng o day，成十個左右嘅鬼佬鬼婆同我地玩遊戲！學咗好多 slang！
最難忘嘅係佢要我地同對面嗰個人跳舞，岩線我對面嗰個係女仔…
“May I have the pleasure to dance with you?”
佢諗咗一陣，細細聲話 Yes，我就拉住佢隻手轉黎轉去…
呵呵！wonderful day！又識咗好多朋友喇！
PS Xanga好似搞緊個 Unicode噃。第二時有得 CM 打香港「噃、嘅、嗱」呢 d 字而唔係亂碼喇！
PSS Pok 近排好似 MSN 狂 on 噃 xP