Things happened in my life as well as some thoughts.
不知不覺，已經 3 個月沒有打 blog 了。如果一切回到 3 個月前就好了：暑假剛開始，明天不是上學天…
最後一個暑假了，挺充實的，只是有很多遺憾：雖然做了很多有意義的事情，但是還是完成不了暑假前定下的目標；還有跟一個很要好的朋友，一個曾經一個禮拜出去玩三四天的朋友割席绝交了。
我覺得，遺憾是美的，我時常感恩，感謝所有在我生命裡出現過的人和事。
明天開學了，是做 BBA 學生的第一天，感覺複雜，會遇到什麼樣的人呢？
希望所有展開新開始的朋友們，一切順利，開心！
PS 今天看了“不要因為你的環境不好，你就不敢放心去愛一個人。 有一天你會發現，犧牲一切去愛一個人，是很幸福的！”。在香港有可能嗎？
2012-05-28
朝早離開高雄，向台北出發！
當然乘搭高鐵啦⋯⋯ 😀
去到台北車站，轉乘台鐵，咁就一個上午 + 中午喇⋯⋯
之後去到九份，先將行李放低，再去行老街！
間酒店真係好特別，每間房都有一個特色，而我地間房真係超特色⋯⋯ -_-
夜晚搭車落o左去基隆夜市，連續四日食夜市⋯⋯ @.@
行到嘔o既一日，完了⋯⋯ xp
2012-05-27
今日離開墾丁，坐o左兩個幾鐘車，到達o左高雄。
去酒店擺低o左 d 行李先，今晚住 Forte Hotel。
因為 Cherry 有兩個 friend o係呢度，兩個都好熟台灣，所以就揾佢地做我地今日o既嚮導。
搭船入旗津。見條隊超長，就去問吓的士價，點知佢地獅子開大口，死死地氣等咗個幾鐘排船…
入到去旗津，本身去踩單車，但係食得晏嚟都晏，結果冇去踩，食吓甜品周圍行吓咁…
夜晚出番嚟，去咗台灣好出名嘅六合夜市，大概呢度就係我地去高雄嘅原因…
不得不提嘅係，喺呢度食咗碗好出名嘅海產粥，係我去台灣八日裡面我覺得最最最最好味嘅食物！
番到去酒店，發生咗件畢生難忘嘅事… 哈哈，呢度唔提喇… 只係我知道咗，原來台灣 XX 過嘅 YY 係要放喺 ZZ 裡面嘅… @_@
今日完了。
PS 鳴謝 Harry。多謝晒你影咁多靚相，我惗你唔會介意我呢幾篇 blog entry 都 post d 你嘅作品上嚟掛？ 🙂
2012-05-26
一早起身，出o左去出面o既草地影相。 🙂
食過早餐（多士）後，上o左小馬架的士。的士上，佢 compare & contrast 港女 and 台妹，話台妹冇咁惡同貪錢。 xp
Anyway，去o左玩飆山飆水。本身冇話濕身，後來佢叫我地將電子產品全部擺開，所以完全冇影相。
基本上係企o係架吉普車後座，司機帶你周圍遊覽。第一段路係飆山，即係你可以企o係度，架車o係類似越野o既地方衝o黎衝去，好似玩過山車咁⋯⋯
中途有段小插曲，就係 cherry 撞親隻門牙，好在最後冇事！
至於飆水，就係衝去有水o既地方，好似小河咁，然後衝o黎衝去，如果有其他吉普車o係o個度，就會互相輪流濺起水花令其他吉普車上o既人濕身⋯⋯ xp
其實好刺激，就係貴o左少少，~HK$300（唔 sure），玩o左大概一個鐘多 d⋯⋯
完o左就去玩高卡車。我發現我有潛質做賽車手，控制架車太易喇，可以玩埋入彎 tim，第二時考車牌應該都冇難度⋯⋯ xp
之後去o左玩哈利波波，就係將兩個人綁在一個大型氣球裡面，從山頂碌去山底。個波裡面有錄音機，即時發射錄音翻去o係排隊o個度，排隊o個度播放 d 人o係波裡面o既慘叫聲⋯⋯ lol
午餐去食牛肉麵，d 牛展硬到抽筋⋯⋯ @.@
跟住就係甜品時間，綠豆饌！我覺得好甜，而且好大碗⋯⋯ @.@
然後就係花海，可惜冇想像中咁靚⋯⋯
再去風吹沙，景色十分壯觀！
再去鵝鑾鼻公園燈塔，係墾丁o既地標，可惜我覺得冇o羊特別⋯⋯
然後去白沙灣睇日落⋯⋯ 🙂
然後就去o左出火。o個度有自然氣從地下噴出，所以有火冒出o黎。
o個度可以放煙花（好似係），所以可以買煙花o黎放。我地買o左 d 火花o既煙花（唔係射上天o個種），玩o左下 light painting，幾好玩嫁！ xp
夜晚去翻前一晚o既墾丁大街掃街。因為星期六o既關係，好多台灣人都去墾丁掃街，結果第一次見倒大量台妹。
嗯，唔知係唔係隔離飯香，好似 average o黎講真係比香港有保證 d wor。（逃~）
PS 影片等我翻到香港再 upload 上o黎⋯⋯ xp
2012-05-25
終於從 HKU CS 畢業喇（原無意外）！好開心可以同 HKU 一批摯友去台灣慶祝，有 James、Cherry、Max、Irene 同 Harry！
今日第一日，第一站係：高雄。
飛行時數為 ~1.5 小時⋯⋯
出o左境，上o左包車，見倒o既係台灣o既公路。
之後去o左買無限 3G 7 日上網卡，TW$450。
住墾丁民宿，先去擺低行李⋯⋯
之後去附近o既大街一遊 － 墾丁大街。朝早係唔熱鬧，晚上就完全唔同喇。
我地o既晚餐係掃街！夜晚o既墾丁大街真係好熱鬧！
今天完了！ 🙂
