Things happened in my life as well as some thoughts.
今日考 CSIS0322 Internet and the World Wide Web。
琴晚努力到三點九，點知訓落床居然太精神訓唔著。碌咗成個鐘先訓得著。
莫非「求之不得，寤寐思服。悠哉悠哉，輾轉反側。」？（笑）
今日鬧鐘 set 咗七點三，啫係訓得兩個半鐘。
醒咗，點知太眼訓，又訓番。八點三起身，突然成個人跳起：
「八點三？我仲未整 cheat sheet！」
因為之前搞 cheat sheet 都落過好多努力，唔想功虧一簣，結果寧願遲到都要整埋先！
終於真係遲咗 10 分鐘，全場 ~400 人睇住我行入嚟 @_@
三個鐘嘅卷，點解我個半鐘做晒？以為自己做漏，睇嚟睇去都冇吖…
結果對咗一次卷，心惗不如早 d 番屋企溫吓書，就算唔溫書訓吓覺都好（XD），最後早走咗成個鐘。
應該冇問題啦，我都唔係第一個走，肉雞同占占占都早走過我… XD
好，繼續努力！後日考兩科，corp fin. 同 algorithm，係成個考試最難最 chur 嘅兩科，過埋後日就 14 號先下一科，中間可以唞唞，已經約咗人 10 號去唱 K… XD
挨埋後日就世界，一於搏盡佢！
第一日考試，考嘅係 ELEC2804，啫係 Engineering Economics and Finance。
係 CS 嘅自選必修科（XD），但係因為我 Double Degree 讀咗 Intro to Econ 同 Corporate Finance 就可以唔讀。
但係想拉吓 GPA，所以 take 咗。
其實呢科雖然 3 個 credit，不過都教幾多嘢，如果我冇讀過 business，半日一定讀唔晒。（註：我冇上過堂）
主要分四個部分：Microeconomics, Macroeconomics, Finance, Accounting。
個阿 sir 一定係 macro 嘅專家，考試分分鐘多過一半係 macro 題目。
而呢四個部份裡面，我偏偏淨係冇上過 Macro 嘅 business course（elective），其他三個各自 6 個 credit 嘅佢反而出得少。
咁啫係我同冇讀過 busi 嘅大家考呢份卷係冇分別。
引述番 BD 嗰句：我讀過兩個 6 credit 嘅 accounts course，加埋 12 個 credit，都係 ba 唔倒 account 嗰條，balance sheet balance 咗舊 shit 出嚟…
好在我見佢又 balance sheet 又 P&L statement 咁 chur，為免連環爆廠，既然有得揀第二條，就揀咗條日本地震 Yen 升跌嚟做算喇 XD
有時我覺得，放棄需要很大的勇氣：甘心放棄過去努力的勇氣，還有承認失敗的勇氣。
這裡說的放棄，是一種睿智的表現，是為追求其他利益的表現。
這裡說的放棄，是當初 Steve Jobs 放棄學業追求理想的表現，而不是自殺逃避的表現。
面臨著做少一份 assignment 同爛到喊 mid-term o既 algorithm（0250），而且考試日撞埋 corporate finance⋯⋯
corporate finance 唔可以肥，因為我想下年讀 investment 同 derivatives⋯⋯
突然 lum 倒中國象棋“棄子爭先”、“田忌賽馬”、“徑棄中原，反取西域”⋯⋯
放棄 algorithm，考好 corp. fin.，似乎系最睿智o既做法。
但系一 lum 起為 algorithm 付出過無數o既努力，無數個做 assignment o既夜晚，就系狠不下心⋯⋯
我知我努力就一定可以合格，不過攞個爛 grade 而已⋯⋯
罷矣！都系咬緊牙關混水摸魚，下年再收復失地！
6/4
晏晝去咗打籃球！發覺原來我入咗 U 之後，好似一次都未打過…
籃球係我除咗足球最鍾意嘅運動。今日打番，射波差咗，跳得矮咗，控球差咗，唯一我專長嘅防守同傳波仲有個 feel 喺度。
話說今日打打吓，有一個女老師帶住一班外籍細路仔踩場，話佢地 book 咗個場。
明明我地有 book 呀，個 reception 又話得一個籃球場，點解佢話佢地都有 book？
因為個老師一開口就叫我地走，我話有 book 嗰時佢叫我去問 reception。
佢嘅態度係叫我地走，無奈地同佢發生咗 d 口角…
最後因為見倒佢得一個人睇住班細路，加上佢點都係女仔，算啦，蝕底一下我自己去問 reception。
一問個 reception，佢話係得一個球場。講多幾講，佢先話仲有另一個場… @_@
個 reception 玩得我好慘。去番原本個場，同個女老師握手道歉，佢話冇所謂不單止，仲問我攞齊嘢未…
同佢吹咗幾句，走嗰時佢仲問我有冇興趣同班小朋友一齊玩同打波…
女人真係善變！@_@
夜晚去咗 Open U Student Society of Computing 就職…
好 impressed by 兩位 professor 嘅 speech！
其中一個用歷史、文明、教化嘅角度去講電腦同電腦人；另一個講科技同人嘅關係…
兩位講者都講得好好，令聽眾可以跳出自己個框框，宏觀咁睇吓電腦同科技…
之後見番兩位老朋友 Jason 同超威，吹咗好耐…
突然惗起一年前去 OU Computing Inaug，放咗之後 JUCA 嘅大家一齊搭小巴…
之後食糖水食到半夜，一齊揾小巴走等嘅一幕幕都浮晒出嚟…
嗰時都冇惗過 CSA 會冇下莊，一年後會同樣以現莊身份去 OU Computing 嘅 inaug…
之後搭番小巴走，竟然播張敬軒首《壯舉》。
一個女仔初時傾梗偈，突然個人呆o左，然後好專心咁聽，搞到我差 d 笑o左出o黎！
雖然我都係好鍾意 hins，不過覺得呢首歌喺電臺播有 d 不倫不類……
番到屋企 chur 多陣，2am 先食夜晚，但係好滿足…
今日真係好難忘。
好久沒有打 xanga 了，原來已經差不多一個月了。又要學某人講句，大家千萬不要開香檳，因為你們估計錯誤，我還沒死呢。（笑！常用你的句子，只不過是覺得你挺幽默的。）
晚上到了筲箕灣掃街，吃了很多東西，不過挺貴的呢。
然後去了《太安樓》。說起來搞笑，這是一個充滿著回憶的地方，也是這篇文章的重點。
的確，這個地方不太富裕，卻是我小時候住了七年的地方。
被“寸”：你怎麼會吃這樣草根階層的東西？儘管我努力解釋，也獲得不了信任⋯⋯
哈哈算了，其實我真是這裡長大，對這裡的一草一木都很熟悉，都很有感情。
順帶一提，我也很看重草根階層的人，身邊也有很多這樣的好朋友，我也看不出富有的朋友比草根朋友活得愉快。
二十年了，這裡也沒甚麼大改變，也是一件很難得的事情了。
沿著公園那條熟悉的路徑回家，經過鰂魚涌公園，看著小時候常來的地方：籃球場、網球場、足球場⋯⋯
忽然一陣惆悵⋯⋯
我做所有運動也比一般人好，懂的運動也比一般人多，無奈就是沒有一個重心，沒有一項值得我驕傲的運動⋯⋯
I will find my way！我必須儘快看出自己那有潛力的屁股！
回到家門前，突然發現：
生活可能是苦悶的，然而走過的路一定是溫馨的；儘管現在有多辛苦，回頭一看，已經不是甚麼了，剩下只有甜美的回憶。