Category: My Life

Things happened in my life as well as some thoughts.

後來⋯⋯

好多謝大家呢段時間對我嘅支持！感激有你地喺我身邊！我都祝福你地，身體健康！

喺發生嗰件事之後，嗰位醫生話去旅行冇問題，仲話我應該冇事。

血壓 keep 住偏高，不過有一晚靜止狀態上壓 177，下壓 121，第二日都比較高，所以再去睇醫生。

嗰位醫生臉色一沈，轉介咗我去心臟科，問佢去唔去得旅行（四個月前就 book 咗機票酒店），佢話由心臟科專科醫生決定。

一顆心，上上下下忐忐忑忑。去，又怕去旅行膽戰心驚冇癮，又怕突然出事；唔去，四個月嘅期待頓成空話，預支嘅錢都唔知會唔會冇曬（~HK$8,000）。

睇咗心臟科醫生，再做心電圖，加上照超聲波，心臟科醫生話冇問題，可以出發，番嚟再做腎 MRI 同 72 小時驗尿。

不過醫生話，未知道原因前唔可以比血壓繼續飆升，要我食血壓藥。

咁後生要食血壓藥，真係好少見，連幫我做 MRI 嘅護士都咁講⋯⋯

食咗血壓藥後真係低番啲，（~120, ~78）。

番咗嚟香港後，照咗 MRI，結果都係正常。醫生話轉藥，減低副作用。

但係番咗香港後轉咗藥後，開始去到（~135, ~86）。

可能香港真係對我嚟講太緊張喇，工作都 OK，係覺得時間唔夠比我去學嘢，啲官出嚟講吓嘢我又興咁樣⋯⋯ lol

所以話 IT 真係唔易撈！ XP 或者下次問問心臟科醫生有冇需要轉介我去精神科，哈哈。 XP

台北之旅

1/1

機場 –> 旅遊巴 –> 過站 –> 酒店 –> 師大夜市 –> 酒店

 

2/1

金鋒魯肉飯 –> 台北 101 –> 永康牛肉麵

 

3/1

三味香包子 –> 西門町 –> 蜂蜜苦瓜汁，豪大大雞排，蚵仔煎 –> 意粉

 

4/1

coco 老番屋 –> 淡水 –> 吉野家雙人鍋

 

5/1

度小月 –> 咖啡弄（忠孝店） –> 地下街 –> 爛鬼 Sogo –> 台北車站（化妝品店，電腦廣場） –> 搵往機場旅遊巴 –> 機場尋找度小月

 

特別食物：

溫泉蛋，香蕉，炭燒梅，統一雞蛋布丁

最接近死亡的一刻

上個禮拜發現，血壓有點高，醫生建議去做幾個測試，其中一個是心電圖。

其他測試的結果沒問題，還差心電圖，今日去做。

結果出來後，lab 的員工好凝重咁同我講：“先生，千祈唔好走開，護士嚟梗接你。”

“咩事？好嚴重？”

“有四個跡象，全部中曬，護士會推輪椅上嚟接你落去，你要冷靜，千萬唔好走，走咗有事我地好難負責。”

嗰一刻真係晴天霹靂。心情就似一個去睇感冒嘅病人聽倒自己患上絕症一樣。

過咗一陣，有個護士推咗架輪椅上嚟，我坐上去，戴上幫助呼吸嘅儀器。

我感覺好不安，心底覺得，好似係我個心隨時會爆炸一樣。

“點解咁遲先做心電圖？上個禮拜已經睇完醫生。心係最重要嫁你知唔知？點解唔做先？”護士講。

我更加不安。

落到去，抽血，量血壓，問有冇頭暈，心痛，頭疼⋯⋯ 幾個護士喺我身邊走嚟走去，加上佢哋唔同我講咩事，超級不安。

“叫 lab 驗血，urgent case。”

等驗血報告然後睇醫生。護士說有頭暈頭疼心疼要立即搵佢地。

等驗血報告嘅時候如坐針氈，好似等梗我個心開始有事嗰一刻咁。

過咗一個鐘倒，有個姑娘好急咁搵我，我心想不妙，原來佢話之前我太緊張，血液不足冇得化驗。

結果又抽多次血，繼續心驚膽顫地等待。

開始胡思亂想：點解我咁後生就有呢啲病？點解我咁不幸？我仲有好多我想做嘅嘢未做，好多我可以幫倒手嘅地方我未幫⋯⋯

然後開始發覺，一直以來都好幸福，有家人，有女朋友，有朋友，大家都對我好好，做咗好多有好多人做唔倒嘅嘢⋯⋯

突然有一刻想祝福每個身邊嘅人，多謝每個身邊嘅人，就算嗰啲我唔熟嘅，都好多謝佢哋喺我生命出現過㐧，使我發現原來自己嘅人生好精彩⋯⋯

然後一陣安定的感覺，生死有命，一切已經唔係我可以掌握，放鬆去翻開神一早為我準備好嗰生命嘅下一頁。

終於看過醫生，醫生話，心電圖判斷我心肌梗塞，但係進一步嘅驗血報告顯示我一切正常，肯定排除心肌梗塞嘅危機。

然後我問醫生，我下個禮拜去旅行，仲可以去嗎？

醫生微微點點頭，笑說：“點解唔可以？”

今次我學到，最重要唔係賺幾多錢，做過乜勁嘢，有幾多人認識你，而係一直喺你身邊嗰啲人；同埋健康生活嘅重要性。

翻到屋企，踏入家門嗰刻，深呼吸一口氣，原來已經好幸福。

幸福一直喺你身邊，你只需要去發現它，然後珍惜它。

2013-12-28 14.33.34

Losing

“The thing I had to learn last year is a perfect plan doesn’t mean that it ends up the way you want it to end up. In the past, if you asked me what a perfect plan is, I’d be like ‘I get what I want, I get my dream, I play well’. Now I have a different perspective on what a perfect plan is. You don’t get better if you win all the time. You know, you get better when you lose. You improve when you lose. You look at yourself more when you lose. So if you learn a lot or if I learn a lot, if I grow a lot, if I become a better person through tough times, that’s part of His perfect plan, that’s part of His perfect will.”