25/8
今日出 concert 差 d 遲到，嚇死我喇！
今次嘅 concert 係我加入高記以黎最差嘅一次。D 人擺位擺錯晒，搞到活動空間大減，唔夠聲；Cello 又走音；D 人又唔夠位所以發揮得唔好，搞到唔敢睇指揮，有時錯 beat。總之一塌糊塗啦！
不過次次上親高記個台都唔係拉得咁好，因為太窄…
指揮話我地身為全港最勁嘅男校 String Orchestra 唔應該係咁嘅樣。
全港最勁？係唔係吹牛？其實我覺得唔係。冇錯，男拔技術係好過我地，但係我地齊過佢地，團結過佢地。
呢次係我最後一次上高記個台，又係我成世人最後一次著高記套校服。雖然榮休儀式無想像中咁高興…
同兔仔無緣，我最後嘅一次佢唔可以同我一齊出…
Bio 譚嗰句「前程錦繡」都幾深刻…
識咗個 raptor 內閣嘅女仔，仲同佢一齊搭巴士！但係臨走唔記得咗問佢叫咩名！xP
佢就係下面幅相中嘅 model（肥甘根本就唔識 pan 鏡，影到…）。其實佢真係可以做 model，175.2 cm！omg！可能仲高過我！XD
最後留影…
PS 大家知唔知佢係邊個？xD
18/8
晏晝我地老四去咗食麥記，漏咗個足球機個波喺嗰度，no!!!!!!!!
跟住同佢地入咗深灣游艇會，嗰度入會費原來係 $1,500,000！係 charles 先買得起… 真係同我間樓差唔多！（lol！講笑！）
我地打咗陣足球機，打到手痛！xP
跟住踢咗陣波，踢 1 號波，好唔慣…
踢到五點倒，去買嘢飲。omg!!!!!廿二蚊一罐汽水？！
梗係行去百佳買啦…
瑋叔見到個溜冰場超興奮。遲 d 我教佢溜，有冇人一齊出黎 hea 呀？
行番出去車站，行到腳仔軟…
入到去淺水灣打咗陣乒乓波，打得好 hea 下…
之後去咗打 snooker，我認真打真係唔係人咁品！xD
差唔多八點我地老四同潘媽媽同開叔食 pizza，多謝晒！好味！: P
本來諗住夜晚去行海灘，點知「風雲變色」…唯有下次！
charles 攞咗兩部小提琴出黎，我一攞起就擺唔低，拉咗個幾鐘，大部份都係 d 好激嘅 Diploma 歌，好耐未試過發癲發咁耐喇！難怪你地話我上咗身！lol
十一點嗰時影相，玩擺 pose。
All in all, wonderful day! Thx!!! >3<
19/8
今朝去咗食曱甴麵。
晏晝我地老四去咗食堅道 27，之後去咗大堂影相。
高記油完油靚咗好多！
今次係老四各奔前程嘅最後一次 gathering，miz you all! >3<
十月實抽時間一齊出黎玩！
跟住同瑋叔同 charles 去睇 sabrina 受浸。sabrina，你段演詞好特別呀！
原來基督教嘅儀式係咁嘅…
喺嗰到撞到 F.4 一齊上普通話嘅陳XX（唔好意思，真係唔記得咗你個名！係唔係 chen2 ying3 qian1？ xD），好高興你仲認得我同瑋叔！
Sabrina，happy rebirth！（MSN 好似同你講咗好多次 ==’）
跟住又同瑋叔去咗 cwb hea，眼尾好似見到個莊記新識嘅朋友…
夜晚去咗世貿食四川擔擔麵。本來諗住試下，點知…搞到我要挨餓！>< 以後都唔好滾搞我！xD
行行下買咗杯朱古力珍珠奶茶，怪得黎又唔錯！==’
最後去咗商務，買咗本書。乘興而來，興盡而返！
都係早 d 訓喇！希望有個難忘（好嗰種 ==’）嘅旅程啦！
PS 今日個心好亂，聽日先作番 charles 首詩喇…
PSS 恭喜 Alan 狗攞咗 10A* + 1A！真係同你差太遠喇！唔得！下次打羽毛球一定要大炒你，等我話比人地聽我勁過個 10A*！xD（不過係羽毛球…v_v）
呢兩日都玩到好攰，聽朝八點又要啟程去蘇杭（星期五晚先番），所以呢兩日 entry 遲 d 補番。
唔知 Fri 幾時番，喺度祝熊仔同 Sharon 兩位 24 號壽星仔女生日快樂！（祝埋 Chriz 考琴攞 Distinction！）
好似有人 21 號同 23 號生日，但係我失咗憶，遲 D 我請食飯啦！^^
仲有，祝 Sabrina 今日 rebirth 快樂！而家同你一樣八月生日！xD
Charles 21 號走喇！我覺得最好最好嘅朋友，唔會因為住嘅地方唔同而疏遠，所以講再多嘅嘢都係冇用，話我幾唔捨得你都係枉然。
雖然我真係好唔捨得，縱使我有千言萬語…
算啦！祝你一路順風！我地十月再見！MSN block 咗就用 email 聯絡啦！等我搞掂我個 forum 再 send 個 URL 比你。
「無為在歧路，兒女共沾巾。」
最後一句：「再見！^^」
唔知點解呢排成日訓過龍，今朝明明要十點三出門口，點知踏半先走。收尾唯有打的，玩 Orchestra 要有 discipline，冇計啦… 
今日可能係最後一次喺高記嘅 Rehersal，練下個禮拜六出嘅 Swan Lake，仲練咗陣 Grieg 嘅 Prelude 。Swan Lake 唔難丫，我淨係去咗兩次 Rehersal。: P
Conductor 同 Miss Chan 叫我下年七月十一號番黎拉文化中心，啫係高記五十周年音樂會。佢地話我好重要噃（但係我唔覺…），話番少 d 都得，淨係番聖誕假同新年嘅 rehersal 就 OK噃，仲話叫埋 Emily 同 Corrie 撐場！睇下 Form 6 咩情況先啦，我都好想到時可以同高記 Orchestra 嘅兄弟姊妹聚一聚。
嗰日會出先前嗰首 Sarabande，一首大會寫緊比我地嘅 Theme Song，校歌同埋 Prelude。最少咁多噃，汗！
晏晝同瑋叔食飯，又係堅道 27，佢中意丫嘛！
之後同佢去咗 cwb 逛咗三個鐘，琴日打完波加上攞住部琴，攰死！
聽日節目應該好豐富呀！
btw，休褲生日快樂！好開心你好中意我地夾錢送比你嗰塊新壁球拍，打 d 波真係快咗？
哈！幾日無打 xanga 喇！因為超多嘢做…
對唔住呀，對家，明明贏緊，唔知點解成日同中游 lost connection…
依排學緊倉頡同翹鐵線。
前嗰排買咗對 I3，Allen Iverson 著嗰對。
仲買咗個新鐘，屏幕大咗仲係 Press Screen，幾得意丫！
佢象徵新嘅我同新嘅時代。
左舊右新
莊記 O Day d 師兄師姐好 friendly，嗰日問咗半班攞 MSN。
B2 班，我叫鄧駿軒，花名鄧駿，O Day 嗰日你地叫我阿 A，就咁叫我啦！開學比埋你地我 xg！
仲要多謝學英文嗰到嗰 D 師兄師姐，好多謝你地無條件為我地喺 SCMP 揀咗超多嘅文章，我一定睇晒呢 d Heat Topics ！
八月送生日禮物送到窮，嗚嗚！
今日打籃球，之後學英文，然後同人補習，而家半睡半醒狀態…
其實雨中打波好舒服！細細地，幾好丫！
唔知點解有 d 中意淋雨…
聽日番高記 Rehersal。
PS 邊個打波咁勤力？隻手出咗去收唔切用個頭黎 Block Shot？xD
PSS 又黎喇！連續六日撞到人！不過都唔夠先前 10 分鐘撞到 8 個人咁勁，唔知係咪 d 咩預兆黎嘅呢？
PSSS 下個星期去旅行，有活動唔好預我喇！v_v