15/6
今朝同老四缺一去唱 K。
點知另外o個兩位下午都要去陪女友，仲要早走 tim！
佢地早走o左成個鐘！雖然我都約o左人，不過係 3pm，又要等到 3pm，結果我自己一個唱o左一個鐘。@_@
真係第一次一人 K⋯⋯
最搞笑o既係，我都覺自己好 on 居嫁啦，點解門口有個女仔成日莊入o黎？
佢似顧客，又似職員，同我差唔多大；每隔兩分鐘就莊一次，明明佢知我睇倒佢。
唱一人 K 原來真係會比人歧！
咁佢都可能係想入o黎一齊唱，或者覺得我唱得好聽所以莊莊下⋯⋯ XP
最後自己一個走出房，有一個職員投以奇怪目光，我都覺得超尷尬⋯⋯
望o羊呀望，唔比我練歌嫁？XP
細路女~ @@
=]
我承認我係標題黨，不過我係超級認真！
輸罰球、輸籃板唔緊要…
仲要輸埋鬥志！
最後嗰幾分鐘，簡直係潰不成軍！
個個一拎住個波，即刻揾人交，個個揸住個波好似攞住個炸彈咁。
「比你啦，你射啦，我唔掂嫁！」
咁係咩心態？
龍王、閃電俠、大帝占士，呢三劍俠，每年千四萬美金，一個月一千萬港幣，買你番嚟做駁腳？
好多人話時勢造英雄，我反而覺得係英雄造時勢。
既然去到危急關頭，就應該要有個人企出嚟！
本身已經係輸梗，你企出嚟係嘗試挽救個局面；就算最後都係衰，都唔會有人怪你。
中國有幾多英雄，誓死挽救困局，最終失敗收場，後人依然視佢地為英雄！
其一最經典例子就係荊軻，佢刺殺唔倒秦王，乜都冇做過就死咗。但係就係佢嗰份承擔，使命感，勇於執行，為自己團體請命，贏得後世人對佢嘅敬仰。
而我居然見倒你地班友最後幾分鐘仲喺度玩馬騮搶球，真係不如去偷吓桃好過！
Michael Jordan 講過一句嘢，我一直都擺喺心度督促自己，希望可以喚醒三劍俠：
I can accept failure, everyone fails at something. But I can’t accept not trying.
仲有：
Some people want it to happen, some wish it would happen, others make it happen.
龍王，喊有咩用？希望來季見倒你地有所進步。
不過已經對你地失去咗信心，我都唔知點解我當初會鍾意你地…
我想喺度鼓勵一下熱火，同埋我自己同身邊嘅人：
Never give up. (By Jason Terry after champ)
Now, or never.
I’ve failed over and over and over again in my life and that is why I succeed. (By Michale Jordan)
恭喜 Mavs 贏得總冠軍，你地係一 team 人，強烈感受倒你地個 teamwork。
仲有 Jason Kidd，終於可以喺退休前一嘗所願。
最後都以 Michael Jordan 嘅一句 quote 作結：
Talent wins games, but teamwork and intelligence wins championships.
Congratz Dallas Mavericks!
6/6
超開心嘅一日，朝早有得睇 NBA Finals，夜晚有得睇梁靜茹【愛的那一頁】演唱會，深宵有得睇 WWDC 2011（蘋果發佈會）。
夜晚去到紅館，上次嚟已經係張敬軒演唱會喇。
同我一齊去嗰位，本來已經話遲半個鐘，最後遲咗一個鐘。
唔係怪佢，只不過我覺得自己好 on 居：
演唱會開始咗之後，隔離兩個女仔不斷咁間唔中望吓我，一定係惗：
呢個男仔一定係獨男，自己一個嚟聽演唱會；再唔係一定係本身同女朋友嚟聽，而家比女朋友飛咗，又唔想晒咗張飛，唯有自己一個嚟聽情歌。
我唯有狂電話扮 SMS 催人快 d 嚟。（笑）
其中一個女仔見開始咗半個鐘都唔見有人坐我隔離嗰張空凳，索性擺咗自己個手袋上張凳度。@.@
最搞笑嘅反而係，一開始嗰時黑咗落嚟，突然有 d 光打咗落去我隻手同件衫度。
超靚！係螢光藍！仲要有 3D 效果，好似 D 水咁降落喺我身上。
真係好靚！我仲惗梗係邊度同點打落嚟，望吓隔離嗰 d 人：奇怪，點解佢地冇得我有？莫非我比大會選中，註定要上臺同梁靜茹合唱？
前面突然一陣尖叫聲…
原來係佢爆螢光棒！喺我身上藍色嗰 d 光原來係 chemical 嚟！ /________
即刻攞張紙巾出嚟擦，衫嗰 d 已經乾咗，抹唔甩！
結果我件衫有一點點藍光（blu-ray? XD），仲要發光 tim，何超盈都冇我咁型！lol
Fish 嗰晚個氣氛好正，全場一齊唱（hins 演唱會做唔倒咁係因為冇理由全場一齊扯頸 XD）！
Encore 咗兩次！最後一次 Fish 換埋便服，仲話冇晒歌，自己清唱咗一首 tim！=]
考完試第一次番 HKU 去…
夜晚去咗同胡老師食飯。
本身約埋大家姐同四妹，不過大家姐要揾飯食，四妹又病咗，得番三弟同我去。
胡老師退咗休喇，不過仲好精神講嘢好有中氣，六十幾歲來說實在令人佩服！
哈哈，還記得以前同佢講普通話，嚟嚟去去都係詞語、情景對話、看圖說話等。
今日同佢講養生、時事、社會、政治、商場，感覺我長大了…… XD
當然，胡老師的人生經驗，有很多值得我地學習，都有佢好獨特嘅見解。
呵呵，佢都為我地嘅前途做咗 d 寶貴嘅建議，不愧為一個好的人師！
可惜大家姐你冇嚟，如果唔係一定同胡老師有一番討論！=]