前日大圍爆水喉，冇水沖涼。琴日熱水爐壞咗。
禍不單行。結果沖咗凍水涼⋯⋯
今日去咗書展，第一次自己一個去。或者書展本身應該自己去，畢竟書係自己睇嘅，同埋自己鍾意睇乜就睇乜。
算吧啦，冇人同你去o者，講咁多⋯⋯ XP
買咗本《孫子兵法》。其實細細個就睇咗不下一次，不過每次都係上網睇嘅，而且冇譯文，全部都係文言文。
今次就睇吓啲學者點譯。再者，呢本書每次睇有每次嘅得著，何況人大了，可能體會更多。
呢本係一本充滿智慧嘅書，值得一睇再睇。同埋當我今次比錢買，孫武在天之靈應該安慰了吧⋯⋯ XP
♠ ♥ ♣ ♦
感激呢幾日安慰我同比意見我嘅朋友，鄧某有你地做我知己真係三生有幸。 🙂
Stabbed in the heart, when everything had been perfect.
前日大出血，瘋狂購物：
喺小米“米粉節”買咗好多嘢：
仲有一個 iF 特別版小米活塞耳機。 🙂
跟住夜晚行街見倒呢個做梗特價（可能係季尾，下年又換贊助商），超平，正版，即買：
星期六去香港嗰間香格里拉酒店食自助餐，我決定怪啲都要著埋去，支持佢贏星期日嘅聯賽冠軍戰！
YOU’LL NEVER WALK ALONE!
買到咗兩日後嘅今日，仍然好亢奮，好似已經贏咗聯賽咁⋯⋯ XP
話說兩年前註冊域名時，adriantang.com 給一位仁兄註冊了，唯有退而求其次，註冊了 adriantanghk.com。
上個月發現 adriantang.com 的主人沒有 renew，域名進入了 redemptionPeriod 階段，我便留意著。5、6 日前進入了pendingDelete 階段，就確定了 adriantang.com 的主人沒有 renew。
結果今晨 ~7am 我註冊了成為 adriantang.com 的新主人！說真的，可以註冊自己名字的域名而且是 .com 真叫人興奮！大家聯絡我也可以用我的新 email：[email protected]！ LOL
把所有的東西都陸續搬了過來，舊的 adriantanghk.com 會繼續保留，直到到期。到期前 adriantanghk.com 的網頁會自動導航過去 adriantang.com 的。
（唉，職業病，把 adriantanghk.com 的東西搬去 adriantang.com 的感覺和做法很像在公司寫程式 deprecate 程式碼⋯⋯ 感覺不爽⋯⋯）
上上星期踢波，左右腳都傷咗，左腳腳趾食指瘀曬。
起初只係刺痛，過咗一陣就好似同平時冇乜分別咁。
上個禮拜每晚都有約，晚晚出街。點知星期六起身，隻腳趾痛到行唔倒。
星期一硬住頭皮番工，步步為艱咁行番公司。今日星期二，非常痛，而且唔知點解成隻腳腫曬，鞋已經著唔落。
算啦，琴日已經睇過醫生，雖然消炎止痛藥同藥膏用過都好似冇乜好轉⋯⋯希望聽日起身會好啲。
而重點係，呢幾日 gut 住行出街，啲行人用奇怪嘅眼光望我，基本上身邊走過嘅每一個人都下意識望我一眼。
其實冇乜好望。希望我地都唔好用呢種眼光望殘疾人士。