今日預咗要打一大篇 entry 喇！

先講講我成績。24分，A 咗 CIT，其他有機會 A 嗰 d 都 A 唔到，好似中文（卷五 L2，其他 5都無用…）同 普通話（預咗死 Listening，個 Hall 太大回音喇，C咗！知識就 B ，口試同譯寫 A 都無用…）同 Bio（到而家都係唔係好明點解 B 咗…）。總之就…唉！

最搞笑係 RS lor！乙部四份三連學都未學，加上讀都無讀過竟然攞到 D！主真係與我同在！

半班 5B 走晒！一係去外國，一係去恆商（wengo 同 鋒哥），一係去其他學校。而我收到成績單就走，去報莊啟程。掂咗！Yo！

鋒哥有一句寫得幾好！以下係嗰位中文 5 所寫嘅嘢，正好亦係我嘅心聲…

「各位高記既朋友，再見了！雖然天長地久有時盡，不過友誼係永遠既！你地永遠係我既朋友！高主教書院永遠係我既母校！１１年（我就 12 年 ^^），高主教書院佔據左我人生既大部分時間．．．」

Last Moment…Moment Forever

一世都會記住…高記嘅鐘

再見了，5B兄弟們！請偶爾想一想我，而你們每一個的笑靨，永遠常駐我心裡。「天荒地老」，此志不變。

志何者？難者之志也。夫大浪濤盡，得一不死，斯志一者存乎？曰：百之也，千之也！

發完癲喇！下面 Tag 下 d 較頹嘅人…

Ger：今朝幾廿人 send SMS 比你咒你得 29 分，點知真係「眾志成城」…佢地唔係有心，只不過玩下啫，點知真係咁邪…唔緊要啦！至多 A Level 咒你 6A 喇！xD

B 聰：點解潮流興 29 分？不過唔緊要啦！你都揾到間好學校，A Level 努力，要做狀元！

波芬：你 Toefl 108 / 120、IELTS 8 / 9 咁勁，點會無用呀？其實你都考得幾好丫，Eng 仲 Straight A …

瑋叔：你可能發夢都估唔到攞呢個分數，但係你要冷靜 D，入唔到 SFC 唔緊要，但係揀科唔係出氣袋，會死人！毋忘，你身邊有好多人 support 你！你會考可能無你想像中咁好，但係其實仲有 A Level 比你番身！人生係長跑，跌低咗，只要你肯企番起身，忍淚勇往直前，第一個衝線嘅講唔定係你！

Vivian：當初選擇咗，就算結果幾唔理想，都唔好後悔，而係諗辦法去補救，因為過去已成過去，未來卻掌握在我們手中！「蝕唔緊要，最緊要係賺番黎。」呢個係我喺捉棋學番黎嘅黃金人生道理，唔知你認同唔認同呢？^^ 唯盼 A Level 一齊進步啦！

Hope 妹：你入 SFC 入唔到，我都好為你難過。其實以你咁嘅成績，應該好穩下噃，點解會咁？你試下求番原校啦！如果唔得，我祝你喺聯招揾到間你中意嘅學校啦！我好歡迎你打黎同我研究研究書本！（only if 你修 bio）^_^

Timothy：呢到唔用你花名，係因為我對你嘅處境深表同情。原來你唔知升讀中六最低要求係中英最少 Level 2（其實我當初都唔知，所以無話到比你聽 v_v）。而家你又無得 repeat，揾住鄧鏡波先都情有可原（actually 佢唔可以收你…）。以你咁嘅程度，有乜可能你中文會得 Level 1？以一個 Maths A 咗嘅優才生黎講，如果係因為考評局 mistake 搞到淪落到咁，我覺得你不如自修好過！上訴係必要，但係個學位就… 至多我同你一齊溫 bio 喇！你令到我個心而家好似比嘢紮住咁，好痛！

今日 Tag 住咁多先啦！聽日繼續打電話比 frd！xD

講番 d 開心嘅嘢！

今日打破晒紀錄！十分鐘內撞到八個人！無花無假！嗰時五點幾，喺屋企樓下去 MTR 途中。

喺街行行下，見到我一世人見過最核突嘅嘢！有個可憐嘅阿伯，可能因為失禁，喺街上著住褲進行爆石工程，佢仲要當無事繼續行！omg