恆商 18 分都收？佢今年平均分有 25 噃，越黎越…mmmmm….強悍！
嘩！原來今年個 12 歲會考生係高記噃！
BPS 13個拔尖，St. Joseph 16個，林護好似 17 個，DG DB未問…
DB嘅阿秋好慘！又一個中文得 Level 1 被逼入咗鄧鏡波…唔係呀？連 DB 個全級第一（唔記得係中文定 overall）中文都係得 Level 1，咩世界呀？
我就都係鬱住鬱住。唉！學 PK Yip 話齋：「24、24，行街睇戲！」v_v
其實後悔同反省都係一念之差…
諗咗成晚打敗仗嘅原因，發現最最最主要係因為我懶同大意…
先講懶…
我讀書最中意 pa 喺張床上面，成日讀讀下就訓著咗。我以後都坐喺我張凳上面讀書喇！
又，讀書時間不足。好明顯我考得好嗰 d 科都係我有天份嘅科目，其他嘅我就因為擺唔夠時間落去所以死晒！我中六要學會愛上讀書！
再講大意…
今年有好多份卷都係較淺，所以我考得唔好係因為我考嗰時唔夠小心；其實唔只考嗰時！我考 CIT 嗰日竟然帶咗本 PTH 嘅 notebook，CIT嗰本擺咗喺屋企…
其實我本身都幾小心，可能因為太夜訓 …下個學期我要最遲十二點訓！
其實我覺得，CE 死咗對我黎講都係塞翁失馬，我只要從中學習錯嘅原因，加上不斷自發上進，就可以有個理想嘅 A Level。
講到好似用個肺黎講嘢咁，但係其實呢個就係事實！^^
今日都無乜嘢做過，朝早去莊記交堂費書簿費，晏晝做英文嘢，夜晚去咗學英文。
後日我會寫一篇【大高記小記】，高記仔（尤其係走咗同會走嗰 d）想同我一齊緬懷過去，後日就記住睇我 Xanga喇！
而家 post 番 D 2/8 同 4/8 嗰 D 相上黎先…
2/8 Repulse Bay
kai 子篤波
shoot the ball
籃球定足球？
「囂」樣
呢個姿勢…無語（呢球入咗！^^）
4/8 Ocean Park
呢個快門都可以用 ISO 100？神奇…
（好似係 MySQL 嗰到有事，唔排除係個免費 host 開始收費。）
